जिल्ह्यात नायलॉन मांजाने पुन्हा एका दुचाकीस्वाराचा गळा चिरला
🖋️ मीडिया वार्ता वृत्तसेवा
📱 8830857351
चिमूर : 17 जानेवारी
दुचाकीने जात असताना रस्त्यावर आलेल्या पतंगाच्या मांजाने व्यक्तीचा गळा चिरला. मात्र, हा प्रकार लक्षात येताच तत्काळ हाताने मांजा पकडल्याने ते थोडक्यात बचावले. ही घटना गुरुवारी नेरी येथील कन्या शाळेजवळ घडली.
नायलॉन मांजा पक्षी व मानवासाठी हानीकारक आहे. प्रसंगी जीवही जाऊ शकतो, त्यामुळे शासनाने नायलॉन मांजावर बंदी घातली आहे. त्याच्या अंमलबजावणीसाठी प्रशासन सतर्क झाले आहे. परंतु, यानंतरही छुप्या मार्गाने नायलॉन मांजाची विक्री सुरू आहे. नेरी येथील व्यावसायिक रोशन लांजेकर काही कामानिमित्त कन्या शाळेजवळून दुचाकीने जात असताना अचानक पतंगाचा मांजा समोर आल्याने गळा चिरला गेला. यावेळी दुचाकीची गती संथ असल्याने त्यांनी तत्काळ मांजा हातात पकडला. त्यामुळे मोठा अनर्थ टळला. परंतु, नायलॉन मांजाने गळा आणि हात चिरल्याने त्यांना गंभीर दुखापत झाली. त्यांच्यावर नेरी येथील खासगी रूग्णालयात प्राथमिक उपचार करून पुढील उपचार चिमूर येथील रुग्णालयात सुरू आहे. या प्रकरणी अज्ञात पतंग उडवणार्‍यावर कारवाई करावी, नेरी परिसरात मांजा विक्रेत्यांवर पोलिसांनी कारवाई करावी, अशी मागणी नेरीवासियांनी केली
