ठाणे मनपाने ठेकेदाराची दिली नाही बिल, ठेकेदारांने भर पावसात केल आंदोलन.
✒अभिजीत सकपाळ, मुंबई प्रतिनिधी ✒
ठाणे,दि.17 जुन:- कोरोना वायरसमुळे सर्वीकडे हाहाकार माजला आहे. त्यात ठाणे महानगर पालिकेची आर्थिक परिस्थिती कमकुवत झाली असल्याचे चित्र तरी समोर येत आहे. त्यामुळे 2019 पासून सार्वजनिक बांधकाम विभाग, उद्यान, पाणी पुरवठा, ड्रेनेज आदींसह इतर विभागांची कामे करणाऱ्या ठेकेदारांची बिल ठाणे महानगर पालिका प्रशासनाने दिली नसल्याने संतप्त झालेल्या या ठेकेदारांनी गुरुवारी सांयकाळी पाच वाजता भर पावसात महानगरपालिका मुख्यालयासमोर आंदोलन केले.
येणा-या दोन दिवसात पाणी विभागाने बिल काढले नाही, तर सोमवार पासून सुरु असलेली सर्वच कामे बंद करु असा इशारा यावेळी या ठेकेदारांनी दिला आहे. तसेच लवकरात बिले काढण्यात यावीत, अन्यथा आमच्यावर आत्महत्या करण्याची वेळ येईल असा इशाराही यावेळी आंदोलकांनी दिला.
मागील दीड वर्षापासून कोरोनामुळे पालिकेची आर्थिक स्थिती बिकट झाली आहे. मालमत्ता कर आणि पाणी पुरवठा करावरच पालिकेची सध्या मदार आहे. परंतु 2019 पासून सार्वजनिक बांधकाम विभाग, उद्यान, पाणी पुरवठा, ड्रेनेज आदींसह इतर विभागातील कामे पूर्ण करुन देणाऱ्या ठेकेदारांची अद्यापही बिले निघाली नसल्याची बाब समोर आली आहे. कोरोना काळातही आमच्याकडून पालिकेने अत्यावश्यक स्वरुपाची कामे करुन घेतली आहेत. कामे पूर्ण करुन देण्यासाठी लोकप्रतिनिधी देखील आमच्या मागे लागले होते. परंतु आता कामे पूर्ण झाल्यानंतर लोकप्रतिनिधींनी देखील आमच्याकडे पाठ फिरविली असल्याचा आरोप यावेळी आंदोलनकर्त्यांनी केला आहे.
