स्वतंत्र भारतात पहील्यानदा एका महिलेला फासावर लटकवल जाईल.
प्रतीनिधी 18 फेब्रुवारी
मुंबई:- स्वतंत्र भारतात इतीहासात प्रथमच एका महिलेला फाशीच्या शिक्षेची अंमलबजावणी होणार आहे अस कोर्टाचा निर्णयावरुन समोर येत आहे. उत्तर प्रदेशातल्या अमरोहामधील शबनम या महिलेनं 2008 साली आपल्या प्रेमी बरोबर संगममत करुन आपल्या नात्यातल्या 7 जणांचा कुऱ्हाडीने खून केला होता. या प्रकरणात शबनमला न्यायालया द्वारा फाशीची शिक्षा ठोठावण्यात आली होती.
राष्ट्रपतींनीही तिचा दयेचा अर्ज फेटाळला आहे. म्हणून शबनमच्या फाशीचा मार्ग मोकळा झाला आहे. मथुरा जेलमध्ये तिला फाशी होईल. फाशीच्या अंमलबजावणीची तयारी सुरू झाली आहे. निर्भया प्रकरणातल्या आरोपांना फाशी देणारा पवन जल्लादचीच या फाशीसाठी नियुक्ती करण्यात आली आहे. फाशीची तारीख मात्र अजून निश्चित झालेली नाही.
मथुरा जेलमध्ये जवळपास दीडशे वर्षांपूर्वीच महिला फाशीघर बनवण्यात आलं पण तिथे आत्तापर्यंत कोणाही महिलेला फाशी दिली नाही. मात्र आता इथे शबनमला फासावर लटकवण्यात येईल. पवन जल्लादने दोन वेळा या फाशीघराचं निरीक्षण केलं आहे. त्याला त्यात फाशीचं तख्त आणि लिव्हरमध्ये काही दोष जाणवले आहेत. ते तातडीने दुरूस्त केले जात आहेत. बिहारमधील बक्सरमधून फाशीसाठी दोरखंड मागवण्यात आला आहे.
