खळबळजनक बातमी
बेवारस स्थितीत आढळले नवजात शिशु, बाळापूर (तलोधी) येथील घटना
🖋️ मीडिया वार्ता वृत्तसेवा
📱 8830857351
नागभिड,18 मार्च: नागभीड तालुक्यातील बाळापूर येथे सोमवार, १८ मार्च रोजी सकाळच्या सुमारास जिवंत नवजात शिशु बेवारस अवस्थेत आढळून आले असून परिसरात या घटनेमुळे चर्चेला उधाण आले आहे.
विनोद गोंगल यांच्या घरामागील आवारात तुरी ठेवलेल्या होत्या, अज्ञात इसमाने हे नवजात शिशु तेथे ठेवले. सकाळी विनोद गोंगल याला हे शिशु आढळून आले. त्यांनी लगेच त्या शिशुला प्राथमिक आरोग्य केंद्रात नेले. डॉक्टरांनी नवजात शिशुवर लगेच उपचार सुरू केले. लागलीच तलोधी पोलिसांना घटनेची माहिती देण्यात आली. पोलीस घटनास्थळी दाखल झाले. नवजात शिशुला चंद्रपूर येथिल जिल्हा रूग्णालयामध्ये पुढील उपचाराकरिता दाखल करण्यात आले आहे. पुढील तपास तलोधी पोलीस करत आहेत.
