नागरिकांनी ताप, अंग दुखणे, सर्दी जाणवल्यास तात्काळ कोविड RTCPR चाचणी करावी: प्रा. अतुल देशकर.
भारतीय जनता पार्टी तर्फे मोफत RTPCR चाचणी केंद्र सुरू; माजी मंत्री आमदार सुधीरभाऊ मुंगटीवार यांच्या माध्यमातून प्रा.अतुल देशकर यांचे प्रयत्न.
ब्रह्मपुरीकरांनी मानले आमदार सुधीरभाऊ मुनगंटीवार यांचे आभार.
✒ अमोल माकोडे ✒
ब्रम्हपुरी तालुका प्रतीनिधी
ब्रह्मपुरी :- राज्याचे माजी कॅबिनेट मंत्री आमदार सुधीरभाऊ मुनगंटीवार यांच्या माध्यमातून व ब्रह्मपुरी विधानसभेचे माजी आमदार प्रा. अतुल देशकर यांच्या प्रयत्नांतून येथील पंचायत समिती मधील संत गाडगेबाबा सभागृह येथे मोफत कोविड RTPCR चाचणी केंद्र आज 17 मे सोमवार पासून नागरीकांच्या सेवेत सुरू करण्यात आले आहे.
आज या केंद्राचे ब्रह्मपुरी विधानसभेचे माजी आमदार प्रा.अतुल देशकर यांच्या हस्ते आज पार पडले. या वेळी प्रामुख्याने तहसीलदार विजय पवार साहेब, जि.प सदस्य तथा जिल्हा महामंत्री क्रिष्णा सहारे, पंचायत समिती सभापती प्रा.रामलाल दोनाडकर, भाजपा ओबीसी आघाडी प्रदेश कार्यकारिणी सदस्य प्रकाश बगमारे, अधिकारी घुबडे साहेब उपस्थित होते.
ब्रह्मपुरी येथील शासकीय रुग्णालयात कोरोना RTPCR चाचणी केल्यावर रिपोर्ट यायला ४-५ दिवस लागतात या कालावधीत कोरोना ग्रस्त रुग्ण घरी न राहता रोजच्या कामात व्यस्त असतो अशा परिस्थितीत पोसिटीव्ह रुग्णापासून इतर लोकांना बाधा होउ शकते सोबतच चाचणी रिपोर्ट उशिरा आल्याने त्या वर उपचार सुद्धा सुरू होत नाही, यात रुग्णाची प्रकृती गंभीर होत जाते. या सर्व परिस्थिती लक्षात घेत माजी मंत्री आमदार सुधीरभाऊ मुनगंटीवार यांच्या माध्यमातून भारतीय जनता पार्टीच्या वतीने सदर चाचणी केंद्र नागरिकांच्या सेवेत सुरू करण्यात येत आहे, असे माजी आमदार अतुल देशकर यांनी बोलतांना सांगितले. या प्रसंगी माजी आमदार अतुल देशकर यांनी माजी मंत्री आमदार सुधीरभाऊ मुनगंटीवार यांचे आभार ही व्यक्त केले.
या कोविड चाचणी केंद्रावर सकाळी 11 ते सायं 4 वाजे पर्यंत चाचण्या करण्यात येणार आहेत. चाचणीचा रिपोर्ट दुसऱ्याच दिवशी नागरिकांना देण्यात येणार आहे. या केंद्रावर आज पासूनच चाचणीला सुरवात झाली ब्रह्मपुरीचे तहसीलदार विजय पवार साहेब यांनी सर्वात पहिले या ठिकाणी चाचणी केली व नागरिकांनी तब्येतीत फरक जाणवल्यास लगेच RTPCR टेस्ट करण्याचे नागरिकांना आवाहन केले.
या प्रसंगी भाजपा शहर महामंत्री तथा माजी नगरसेवक मनोज भूपाल, शहर कोषाध्यक्ष अरविंद नंदूरकर, प्रा.रवींद्र आष्टेकर, अड्याळचे उपसरपंच नामदेव लांजेवार, साकेत भानारकर, रामपुरी च्या सरपंचा सौ. रेवती ठाकूर, भा.ज.यु.मो शहर अध्यक्ष सुयोग बाळबुधे, भा.ज.यु.मो जिल्हा सचिव तनय देशकर, भाजपा ओबीसी आघाडी शहर अध्यक्ष पंकज माकोडे, युवा मोर्चा शहर महामंत्री स्वप्नील अलगदेवें, उपाध्यक्ष प्रमोद बांगरे, राहुल सुभेदार, लोमेश ठाकूर, राजू शिवरकर उपस्थित होते.
