केसलवाडा वाघ येथील ऑक्सीजन प्लांटचे काम युद्धस्तरावर सुरु; काँग्रेस प्रदेशाध्यक्ष आमदार मा. नानाभाऊ पटोले यांचे प्रयत्न.
ग्रामीण भागातील रुग्णांना होणार फायदा
✒मनोज खोब्रागडे✒
पूर्व विदर्भ ब्युरो चीफ प्रतिनिधी
लाखनी:- वर्तमान परिस्थितीत देश आणि जग कोरोनाच्या दुसऱ्या लाटेतून जात आहे. पहिल्या लाटेपेक्षा दुसऱ्या लाटेची तीव्रता ही जास्त जाणवली आणि अनेक लोकांना प्राणवायूची गरज पडली. त्यामुळे प्राणवायू पाहिजे क्षमतेमध्ये तयार करणे शक्य नव्हते मात्र कोरोनाचा वाढता संसर्ग लक्षात घेता पुढेही आपल्याला या गोष्टीची गरज पडणार आहे. आणि त्या दृष्टीने भविष्य काळामध्ये ही सोय आपल्याकडे असली पाहिजे आणि म्हणून साकोली, लाखनी, लाखांदूर तालुक्यात प्रत्येकी एक ऑक्सीजन प्लांट काँग्रेस प्रदेशाध्यक्ष तथा साकोली विधानसभा क्षेत्राचे लोकप्रिय आमदार मा. नानाभाऊ पटोले यांच्या प्रयत्नाने मंजूर करण्यात आले आणि त्याचे बांधकाम देखील युद्धस्तरावर सुरू आहे. लवकरच हे तिन्ही प्रकल्प पूर्णत्वास येतील आणि त्यांचा वापर सुरु होईल. लाखनी तालुक्यातील केसलवाडा वाघ येथे या ऑक्सिजन प्लांटचे काम सुरू असून साकोली व लाखांदूर येथील ऑक्सिजन प्लांट सुद्धा लवकरच पूर्णत्वास येणार आहे आणि याचा फायदा स्थानिक दवाखान्यासह रुग्णांना देखील होणार आहे.
