अखेर त्या वाघाला पकडण्यात यश

अखेर त्या वाघाला पकडण्यात यश

🖋 अश्विन गोडबोले
चंद्रपूर महानगर प्रतिनिधी
📱 8830857351

ब्रम्हपुरी,: – तालुक्यात मागील काही दिवसात तीन

व्यक्तींचा बळी घेणाऱ्या टी-103 एसएएल-1 या नर वाघाला वनविभागाने 18 ऑगस्ट रोजी सकाळच्या सुमारास उत्तर ब्रम्हपुरी वनपरिक्षेत्रांतर्गत ब्रम्हपुरी उपक्षेत्र/ भगवानपूर नियतक्षेत्रामध्ये (कक्ष क्रमांक 890) येथे जेरबंद केले. या वाघाचे वय अंदाजे दोन ते अडीच वर्षे असून वैद्यकिय तपासणी केल्यानंतर त्याला चंद्रपूर येथील ट्रांझिट ट्रिटमेंट सेंटर येथे पुढील कार्यवाहीसाठी स्थलांतरीत करण्यात येणार असल्याची माहिती वनविभागाने दिली आहे. ब्रम्हपुरी शेतशिवार परिसर व मानव वस्तीत वावर असलेल्या या वाघाने 28 जून, 16 व 17 ऑगस्ट रोजी मनुष्यहानी केली होती.
वनविभागातील उत्तर ब्रम्हपुरी वनपरिक्षेत्रांतर्गत ब्रम्हपुरी उपक्षेत्रात रम्यान, 18 ऑगस्ट रोजी सुध्दा हा वाघ शेतशिवार परिसरात भ्रमण करित असल्याचे निदर्शनास आले. त्यामुळे उत्तर ब्रम्हपुरी वनपरिक्षेत्रांतर्गत ब्रम्हपुरी उपक्षेत्र/भगवानपूर नियतक्षेत्रामध्ये (कक्ष क्रमांक 890) येथे आरआटी ताडोबा अंधारी व्याघ्र प्रकल्प, चंद्रपूरचे पशुवैद्यकिय अधिकारी (वन्यजीव) डॉ. रविकांत खोब्रागडे व सशस्त्र पोलिस अजय मराठे यांनी या वाघास अचुक निशाना साधून सकाळी 6.45 वाजता ‘डार्ट’ केले. वाघ बेशुध्द झाल्यानंतर त्यास सकाळी 7.30 वाजता पिंजऱ्या सुखरूपरित्या बंदिस्त करण्यात आले. ही कार्यवाही ब्रम्हपुरीचे उपवनसंरक्षक दिपेश मल्होत्रा यांच्या मार्गदर्शनाखाली सहायक वनसंरक्षक (प्रादे व वन्य) ब्रम्हपुरी एम. बी. चोपडे, उत्तर ब्रम्हपुरी (प्रा) वनक्षेत्रपाल आर. डी. शेंडे, वनविभागाचे क्षेत्रिय अधिकारी, कर्मचारी, तसेच आआरटी ताडोबा अंधारी व्याघ्र प्रकल्प, चंद्रपूरचे सदस्य व ब्रम्हपुरीचे बायोलॉजिस्ट राकेश अहुजा यांच्या उपस्थितीत करण्यात आली.