कर्मा पूजा विसर्जनासाठी गेलेल्या 7 मुलींचा बुडून मृत्यू, मृतांमध्ये तीन सख्ख्या बहिणींचा समावेश
✒क्राईम रिपोर्टर मिडिया वार्ता न्युज ✒
झारखंड, 18 सप्टेंबर:- झारखंडच्या मधील लातेहारमधुन एक दुर्दैवी दुर्घटना समोर आली आहे. लातेहार जिल्ह्यातील बालूमाथमध्ये कर्मा विसर्जनासाठी गेलेल्या 7 मुलींचा बुडून दुर्दैवी मृत्यू झाल्याने सर्वीकडे हळहळ व्यक्त करण्यात येत आहे.
ही घटना बालूमाथ पोलीस स्टेशन परिसरातील शेरेगडा गावातील मननडीह टोला येथील आहे. समोर आलेल्या माहितीनुसार, कर्मा पूजा विसर्जनादरम्यान 7 मुलींचा बुडून मृत्यू झाला. मृत मुलींचं वय 10 ते 20 वर्षांच्या दरम्यान असल्याचं सांगितलं जात आहे. घटनेची माहिती मिळताच बालूमाथ पोलिसांनी घटनास्थळी धाव घेतली. पोलिसांनी सध्या मृतदेह पोस्टमार्टमसाठी रुग्णालयात पाठवले आहेत. या घटनेमुळे गावात खळबळ उडाली आहे. मिळालेल्या माहितीनुसार, मृतांपैकी तीन मुली सख्ख्या बहिणी होत्या.
मननडीह टोला येथील रहिवासी अकलू गंझू याच्या मुली होत्या. तर मृत सातही मुली शेरेगडा गावातील मननडीह टोला येथील रहिवासी होत्या. गावकऱ्यांनी दिलेल्या माहितीनुसार, मुली तोरी-बाळूमठ-शिवपूर रेल्वेमार्गाच्या बांधकामासाठी खोदलेल्या खोल खड्ड्यात कर्म दल विसर्जनासाठी गेल्या होत्या. या दरम्यान ही दुर्घटना घडली. घटनेची माहिती मिळताच गावकरी घटनास्थळी दाखल झाले आणि मुलींना बाहेर काढले. मात्र 4 मुलींचा आधीच मृत्यू झाला होता. मयत मुलींची नावं पुढील प्रमाणे आहे रेखा कुमारी वय 18 वर्ष, लक्ष्मी कुमारी वय 8 वर्ष, रिना कुमारी वय 11, वर्ष मीना कुमारी वय 8 वर्ष, पिंकी कुमारी वय 15 वर्ष, सुषमा कुमारी वय 7 वर्ष, सुनिता कुमारी वय 17 वर्ष या घटने मुळे संपुर्ण गावात शातता पसरली आहे.
