खासदार हेमंत गोडसे यांच्या गाडीला अपघात
ज्ञानेश्वर तूप सुंदर
नाशिक तालुका प्रतिनिधी
मो. 8668413946
नाशिक :- दिल्लीतील बी. डी मार्गावरुन जात असताना नाशिकचे खासदार हेमंत आप्पा गोडसे यांच्या गाडीला अपघात झाला आहे. ह्या अपघातात गोडसे हे थोडक्यात बचावले असून गोडसे व त्यांच्या सोबत असलेले त्याचे सहकारी त्यांना कुठल्याही प्रकारची दुखापत झालेली नाही. अपघाताचे कारण अद्याप अस्पष्ट आहे मात्र त्यांच्या गाडीचे मोठ्या प्रमाणात नुकसान झाले आहे.
झालं असं की, नाशिकचे खासदार हेमंत आप्पा गोडसे व त्याच्या सोबत त्यांचे सहकारी हे इनोव्हा MH 15 FC 9909 या गाडीने प्रवास करत होते. त्यावेळी त्यांच्या गाडीला पाठीमागून आर्टिका डीएल 7CW 2202 या गाडीने जोरदार धडक दिली. यामध्ये हेमंत गोडसे यांच्या गाडीचं मोठ्या प्रमाणात नुकसान झालं. सुदैवानं या अपघातामध्ये कुणालाही मोठी दुखापत झाली नाही.
