9 आगस्टला महाराष्ट्रात शासकीय सुट्टी जाहीर करून, जागतिक आदिवासी दिवस साजरा करण्यास परवानगी द्या.
मारोती कांबळे
मीडिया वार्ता न्युज
गडचिरोली जिल्ह्या प्रतिनिधी (ग्रामीण)मो.नं.९४०५७२०५९३
आज दिनांक 19 जुलै 2021 रोजी, पेरमिली इलाका पट्टी तील सर्व आदिवासी समाजाचा वतीने 9 आगस्ट 2021 रोजी संपूर्ण महाराष्ट्रात शासकीय सुट्टी जाहीर करून, जागतिक आदिवासी दिवस साजरा करण्यास परवानगी देण्यासंदर्भात निवेदन अहेरीचे तहसीलदार मार्फत
महाराष्ट्राचे मुख्यमंत्री मा. ना.उद्धवजी ठाकरे साहेब आणि आदिवासी विकास मंत्री मा.ना.ऍड. के.सी.पाडवी साहेब यांना निवेदन देण्यात आला.
यावेळी निवेदनात म्हटले आहे की, जगातील 192 पेक्षा जास्त सदस्यत्व असलेली संयुक्त राष्ट्र संघ ( UNO) ने सन 1994 चा 11वे अधिवेशनात जगभरात असलेले सर्व आदिवासी समाजातील लोकांना न्याय देण्यासाठी, त्यांना मुख्य प्रवाहात आणण्यासाठी आणि आदिवासी समाजाचा संस्कृती, बोली भाषा,रूढी,प्रथा,परंपरा याची जतन करण्यासाठी व आदिवासी समाजाला त्याचा पारंपरिक व सवैधानिक अधिकार मिळण्याकरिता म्हणून संयुक्त राष्ट्र संघ(UNO) ने 9 आगस्ट 1994 या दिवशी International day of indigenous people अर्थात जागतिक आदिवासी दिवस घोषित करण्यात आला.
म्हणून त्या दिवसापासून जगातील 192 देशापेक्षाही अधिक देशामधील आदिवासी समाज हा जागतिक आदिवासी दिवस मोठ्या गौरवाने साजरा करत आहेत.
म्हणून गडचिरोली जिल्ह्यातील आदिवासी समाजसह महाराष्ट्रात असलेले सर्व आदिवासी समाज सुद्धा शासनाचा कोविड चा सर्व नियम पाडत जागतिक आदिवासी दिवस साजरा करण्यास परवानगी देण्यात यावी अशी विनंती निवेदनातून करण्यात आला आहे.
सदर निवेदन अहेरीचे तहसीलदार मा.ओंकार ओतारी साहेब यांनी स्वीकारले.
यावेळी निवेदन देतांना येरमनार चे माजी सरपंच श्री बालाजी गावडे, कमलापुरचे माजी सरपंच श्री संबय्या करपेत, श्री राजेंद्र इष्टम- ग्रा.पं. सदस्य पेरमिली, श्री जी. के. मडावी सर राजाराम, श्री बंडू आत्राम – आलदांडी, श्री लाच्या आत्राम – आसा, श्री शंकर आत्राम – माजी उपसरपंच कमलापुर हे उपस्थित होते.
