नायब तहसीलदारांनी केले दोन तास तब्बल धरणे आंदोलन
मागण्या मंजूर न झाल्यास २८ डिसेंबर पासून बेमुदत काम बंद आंदोलन करण्याच्या दिला इशारा
✍️ भवन लिल्हारे जिल्हा प्रतिनिधी भंडारा📱 मो.नं.9373472847📞
गोंदिया : विदर्भात येणारे गोंदिया जिल्ह्यातील नायब तहसीलदारांना राजपत्रीत वर्ग-२ यांचे ग्रेड पे ४८०० रूपये करण्यात यावे या मागणीला घेऊन गोंदियाच्या नायब तहसीलदारांनी १८ डिसेंबर रोजी तब्बल दोन तास धरणे आंदोलन केले. यासंदर्भात निवासी उपजिल्हाधिकारी स्मीता बेलपत्रे यांच्याकडे मुख्यमंत्री, महसूल मंत्री व अप्पर मुख्य सचिव यांच्या नावे निवेदन देण्यात आले. मागण्या मंजूर न झाल्यास २८ डिसेंबरपासून बेमुदत कामबंद आंदोलन करण्याचा इशारा या निवेदनातून देण्यात आले आहे. महाराष्ट्र राज्य तहसिलदार व नायब तहसिलदार संघटनेने नायब तहसिलदार राजपत्रित वर्ग २ यांचे ग्रेड पे ४८०० रूपये करण्यासाठी के. पी. बक्षी यांच्या अध्यक्षतेखालील त्रुटी समिती (बक्षी समिती) समोर सादरीकरणावर तत्काळ कार्यवाही करण्यात यावी, या मागणीला घेऊन ५ डिसेंबर रोजी महाराष्ट्र राज्य तहसिलदार व नायब तहसिलदार संघटनेने एक दिवशीय रजा आंदोलन व विभागीय आयुक्त कार्यालय येथे धरणे आंदोलन केले होते. परंतु शासनाने दखल घेतलेली नाही. याचा नेमकं कारण काय ? असे प्रश्न उपस्थित केले आहे ‘ त्यामुळे १८ डिडसेंबर रोजी दोन तास धरणे आंदोलन करण्यात आले. आंदोलनात नायब तहसीलदार के.के. अदाने, विशा सोनवाने, पी.बी. तिवारी, सी.एन. बाबडे, एन.एस. चवरे, सीमा पारणे, आप्पासाहेब वनकडे, एन.ए. विटले, शरद हलमारे, अश्वीनी नंदेश्वर, संजय धार्मीक यांचा समावेश होते. शासनाने मागण्या पूर्ण करावेत याकडे संपूर्ण तहसीलदार नायब तहसीलदारांचे लक्ष वेधले आहे.
