आदर्श हायस्कूल राजुरा आदर्श शाळेत जागतिक चिमणी दिन संपन्न.
– इको क्लब च्या विध्यार्थीनी लावले पक्षांकरिता बर्ड फिडर, घरटे व पाण्याचे पॉट.
संतोष मेश्राम, राजुरा तालुका प्रतिनिधी
राजुरा 20 मार्च:- बालवीद्या शिक्षण प्रसारक मंडळ राजुरा द्वारा संचालित आदर्श हायस्कूल येथील राष्ट्रीय हरित सेना ( इको क्लब ) च्या विद्यार्थीनी जागतिक चिमणी दिनानिमित्त पक्षांकरिता बर्ड फिडर ,घरटे व पाण्याचे पॉट लावले.
नेहमी दिसणाऱ्या गोष्टीचे खरे महत्व जाणवत नाही. आपल्या जीवनाचा अविभाज्य भाग असलेल्या चिमण्यांची संख्या कमी होणे हे त्याचे एक उदाहरण. वाढत्या प्रदुषणमुळे चिमण्यांची संख्या कमी झाली हे खरेतर विनाशाचे प्रतीक आहे. जगभरातील लोककथा आणि ‘चिऊताई चिऊताई दार उघड’ सारख्या बडबडगीतांमध्ये सर्वत्र आढळणारी चीवचीव चिमणी गेली कुठे? असा प्रश्न जगभरातील पर्यावरणप्रेमीना पडू लागला. कारखान्यातील चिमणीचे भकभक धूर ओकणे प्रमाणाबाहेर वाढले आणि अंगनातिल चिमणी दिसेनाशि होऊ लागली. पुढच्या पिढीला चिमणी फक्त चित्रांमधेच किंवा मुयिझिममधेच दिसणार की काय अशी परिस्थिती निर्माण झाली. परिणामी 2010 सालापासून हा ‘वर्ल्ड स्परो डे’ साजरा केला जाऊ लागला आहे अशी माहिती राष्ट्रीय हरित सेना विभाग प्रमुख बादल बेले व विध्यार्थीनी प्रमुख कु. श्रुती रायपुरे यांनी दिली. यावेळी आदर्श हायस्कूल चे मुख्याध्यापक सारीपुत्र जांभूळकर, आदर्श प्राथमिक विद्यामंदिर च्या मुख्याध्यापिका नलीनी पिंगे, सहायक शिक्षक रुपेश चिड़े, संतोष वड्स्कर आदींसह राष्ट्रीय हरित सेना विभागाचे विध्यार्थी उपस्थित होते.
