मोकाट गुरांना वाचवण्यासाठी स्थानिक युवकांचा पुढाकार,गु्रांच्या गळ्यात घातले रिफ्लेक्टर पट्टे
✍️तेजपाल जैन ✍️
कोलाड प्रतिनिधी
📞8928847695📞
कोलाड :- मुंबई गोवा महामार्ग ६६ वरील आंबेवाडी (कोलाड)बाजारपेठेत मोकाट गुरांनमुळे दिवसेंदिवस अपघातांची संख्या वाढत असतांना दिसत आहे.तसेच गाई, वासरे, मोकाट गुरे ही अनेकवेळा वाहनांच्या धडकेने अपघातात जखमी होतांना दिसत आहेत.याविषयी अनेकवेळा न्यूज पेपरमधून बातम्या ही प्रकाशित झाल्या याची दखल या परिसरातील सामाजिक कार्यकर्ते यांनी घेऊन मोकाट गुरांना वाचविण्यासाठी गुरांच्या गळ्यात रिप्लेक्टर बांधण्यात आले आहेत. मुंबई-गोवा महामार्गावर आंबेवाडी बाजारपेठेत रात्रीच्या अंधारात मोकाट गुरे रस्त्यात बस्तान मांडून बसत आहेत.या मोकाट गु्रांमुळे अपघात होण्याचे प्रमाण मोठ्या प्रमाणात वाढले आहे.यामुळे प्रवाशी अनेक वेळा जखमी होऊन प्रवाशी वर्गाचे आर्थिक व शारीरिक नुकसान होत आहे .तर मोकाट सोडलेली गुरे यांचे संबंधित मालक त्यांच्याकडे दुर्लक्ष करीत असल्याचे दिसून येत आहे.
परंतु वाहनांमुळे गुरे जखमी झाले तर मात्र भरपाई मागण्यासाठी धावत येत आहे. याला जबाबदार कोण? असे प्रवाशी वर्गातून बोलले जात आहे.
यामुळे अपघाताचे प्रमाण कमी करण्यासाठी एक उपाययोजना म्हणून येथील स्थानिक युवकांनी सोशल वर्क करत प्रत्येक गुरांच्या गळ्यात रिफ्लेक्टर पट्टे लावण्याचा उपक्रम चालू केलेला आहे जेणेकन रात्रीच्या वेळी संबंधित गाडी चालकाला समोर असलेला प्राणी दिसण्यात मदत होईल व त्यामुळे होणाऱ्या अपघातावर आळा बसेल या उपक्रमा द्वारे भटक्या कुत्र्यांना ही रिफ्लेक्टर पट्टे लावण्यात येणार आहेत. यामुळे प्रवाशी वर्ग, गुरे, कुत्र्यांचे अपघात ही टाळता येतील या उपक्रमासाठी विशेष सहकार्य सामाजिक कार्यकर्ते राहुल शिंदे,निलेश लोखंडे,अजय कुशवहा,ओम वाचकवडे,विराज शिंदे अखिलेश यादव,अनुप गुप्ता,संदेश यादव,संग्राम शिंदे,समीर इंगवले,श्रेयस सुर्वे,यांनी उपक्रमाला जोरदार सुरुवात केलेली आहे.
