चंद्रपूर येथे टँकर – ट्रक यांच्यात जोरदार धडक, भीषण अपघातात 9 जणांचा मृत्यू
चंद्रपूर-मूल मार्गावर असलेल्या अजयपूर येथे अपघातात 9 जणांचा मृत्यू झाला.
🖋 अश्विन गोडबोले
चंद्रपूर महानगर प्रतिनिधी
📱 ८८३०८५७३५१
चंद्रपूर-मूल मार्गावरच्या अजयपूर येथे अपघातात 9 जणांचा मृत्यू झाला. पेट्रोल वाहतूक करणारा टँकर आणि लाकूड नेणारा ट्रक यांच्यात काल रात्री समोरासमोर जोरदार धडक झाली. या धडकेनंतर ट्रकचा टायर फुटून अपघात झाला. ट्रकचे टायर फुटल्यानंतर भीषण आग भडकली.पेट्रोल वाहतूक करणारा टँकर आणि लाकूड वाहून नेणारा ट्रक यांच्यात समोरासमोर धडक झाली. अपघातानंतर भीषण आग लागली. आग लागल्याने ट्रकचे टायर फुटले. त्यानंतर आग भडकली. ही भीषण आग मूल-चंद्रपूर अग्निशमन पथकाने विझवली. आगीत ट्रकचालक व सोबतचे लोक यांचे आगीमुळे मृतदेह जळल्याची प्राथमिक माहिती आहे. दरम्यान, मृतदेहांची ओळख अद्याप पटलेली नाही. पोलिस तपास सुरु आहे. या अपघातातील मृतांचा आकडा वाढण्याची शक्यता वर्तविण्यात आली आहे. या अपघातात 9 जणांचा मृत्यू झाल्याची प्राथमिक पुष्टी पोलिसांनी केली आहे.अजयपूर गावाजवळ काल रात्री हा अपघात झाला होता. भडकलेली आग मूल-चंद्रपूर येथील अग्निशमन पथकांनी सकाळपर्यंत विझवली. आगीमुळे मृतदेह राख झाल्याची विदारक दृश्ये नजरेस पडली. प्लास्टिक पोत्यांमधून हे शव चंद्रपूर जिल्हा रुग्णालयात नेण्यात आले आहे.लाकूड भरलेल्या ट्रकमधील मृतांची नावे (अजय डोंगरे 30 रा. बल्लारपूर, प्रशांत नगराळे 33 रा. लावारी , नवी दहेली
मंगेश टिपले 30 लावारी, नवी दहेली
भैय्यालाल परचाके 24 लावारी नवी दहेली, बाळकृष्ण तेलंग 57 लावारी नवी दहेली, साईनाथ कोडापे 40 लावारी नवी दहेली, संदीप आत्राम 22 कोठारी ) टँकरमधील चालक अमरावती निवासी हाफीज खान आणि वाहक वर्धा निवासी संजय पाटील यांचा मृतात समावेश आहे. तर लाकूड भरलेल्या ट्रकमधील 7 जणांचा अपघातात कोळसा झाला आहे. ट्रकमधील 7 जण बल्लारपुर तालुक्यातील नवी दहेली आणि कोठारी गावचे रहिवासी असल्याची माहिती आहे. अपघात नेमका कसा झाला याबाबत तपास सुरू आहे.
