धरणगांवात सत्यशोधक समाज संघाची बैठक उत्साहात संपन्न, सत्यशोधक चळवळीचा इतिहास प्रेरणादायी! डॉ.सुरेश झाल्टे
एस. डी.मोरे
धरणगांव प्रतिनिधी
मो: 9823230361
धरणगांव – येथील संत सावता माळी समाज पंचमंडळ, मोठा माळीवाडा समाज भवनात सत्यशोधक समाज संघाची अभ्यासगट व चर्चा बैठक उत्साहात संपन्न झाली. बैठकीच्या प्रास्ताविकात सत्यशोधक समाज संघाचे जिल्हा समन्वयक पी डी पाटील यांनी येत्या २४ सप्टेंबरला नाशिक येथे राज्यस्तरीय अधिवेशनाचे साक्षीदार व्हावे असे आवाहन केले. कार्यक्रमाच्या अध्यक्षस्थानी माळी समाजाचे अध्यक्ष विठोबा नामदेव माळी होते. प्रमुख मार्गदर्शक म्हणून सत्यशोधक समाज संघाचे राज्य सचिव डॉ.सुरेश झाल्टे धुळे, सत्यशोधक समाज संघाचे जिल्हा समन्वयक विजय लुल्हे जळगांव, विधीकर्ते शिवदास महाजन एरंडोल, उपस्थित होते.
कार्यक्रमाच्या तत्पूर्वी संत शिरोमणी सावता महाराज, राष्ट्रपिता महात्मा जोतीराव फुले व विद्येची देवता सावित्रीमाई फुले यांच्या प्रतिमेस माल्यार्पण करण्यात आले. तद्नंतर मान्यवरांचे अध्यक्ष आणि पंचमंडळ यांनी शाल, पुष्पगुच्छ देऊन स्वागत केले. उपस्थित मान्यवरांच्या हस्ते सत्यशोधक अधिवेशन पत्रिकांचा शुभारंभ करून सर्वांना पत्रिका वाटप केल्या. कार्यक्रमप्रसंगी डॉ.सुरेश झाल्टे यांनी सत्यशोधक चळवळीचा इतिहास उलगडला. सत्यशोधक समाज संघाचे महत्त्व सांगून सत्यशोधक विचारांवर चालण्याची गरज आहे. महाराष्ट्रात सत्यशोधक विधीकर्ते निर्माण करून प्रत्येकाने सत्यशोधक विधीप्रमाणे विधी करावेत असे मनोगतातून आवाहन केले. यावेळी मोठा माळीवाडा, लहान माळीवाडा परिसराचे समाजाध्यक्ष विठोबा माळी, रामकृष्ण महाजन यांनी सांगितले की आम्ही जास्तीत जास्त संख्येने नाशिक येथे अधिवेशनाला येऊ असे आश्वासन दिले.
याप्रसंगी उपाध्यक्ष शिवाजीराव देशमुख, निंबाजी महाजन, सचिव गोपाल माळी, पुंडलिक महाजन, कोषाध्यक्ष व्ही.टी.माळी, राजेंद्र महाजन, यांसह जेष्ठ सदस्य रावा माळी, सुकदेव महाजन, दशरथ महाजन, विजय महाजन, दिपक महाजन, डिगंबर महाजन, पाटील समाज पंच मंडळाचे कोषाध्यक्ष लक्ष्मणराव पाटील, राजेंद्र वाघ, नितेश महाजन, कैलास माळी, गोरख देशमुख, रामचंद्र माळी, गोपाल आण्णा माळी आदींसह उपस्थित होते. कार्यक्रमाचे सूत्रसंचालन व आभार सत्यशोधक समाज संघाचे प्रचारक एच डी माळी यांनी मानले.
