क्रूरतेचा कळस…तरुणीची हत्या करून मृतदेहावर बलात्कार, आरोपीला मुंबईत अटक
हिरामण गोरेगावकर
१९ नोहेंबर: चेन्नई राज्यात मागील आठवड्यात एका १८ वर्षीय तरुणाची हत्या करून तिच्यावर बलात्कार केल्याची धक्कादायक घटना उघडकीस आली होती. या हत्येप्रकरणी फरार असणाऱ्या आरोपीला पकडण्यात विरारच्या गुन्हे प्रकटीकरण शाखेला यश आले आहे. आरोपी राजू नायर याला शुक्रवारी पकडून कोणामल्ली पोलीस ठाण्यातील पोलीस पथकाच्या ताब्यात तपास व चौकशीसाठी देण्यात आले आहे.
चेन्नई राज्याच्या आवडी पोलीस आयुक्तालय हद्दीतील कोणामल्ली पोलीस ठाण्याचे हद्दीत मागील आठवड्यातील शनिवारी एका १८ वर्षीय तरुणीची हत्या करून तिच्या मृतदेहावर बलात्कार केल्यानंतर आरोपी फरार झाला होता. तो विरार परिसरातील कोठेतरी राहत असल्याची माहिती देवून आलेल्या तपास टीमने विरारच्या गुन्हे प्रकटीकरण शाखेच्या पोलिसांना मदतीची मागणी केली. त्यानुसार सदर गुन्हयाचे गांभीर्य लक्षात घेऊन सदर पथकासोबत विरार गुन्हे प्रकटिकरण शाखेचे अधिकारी व अंमलदार यांनी तपासाला सुरुवात केली. सदर परिसरात जावुन आरोपीबाबत शोध घेत होते. त्यावेळी आरोपीत हा फुलपाडा परिसरातील सुजाता अपार्टमेंटमध्ये राहत असल्याची खात्रीशीर माहिती मिळाली. ही माहिती मिळाल्यावर पोलीस उपनिरीक्षक संदेश राणे, सहायक फौजदार सुरेंद्र शिवदे, अंमलदार सागर घुगरकर, युवराज वाघमोडे, सुनील पाटील यांनी आरोपीत राहत असलेल्या ठिकाणी सापळा रचून त्यास ताब्यात घेतले. आरोपीताचे ट्रान्झिट वॉरंट वसई न्यायालय येथून घेऊन चेन्नई पोलीस आरोपीला घेऊन गेल्याची माहिती विरारचे वरिष्ठ पोलीस निरीक्षक सुरेश वराडे यांनी सांगितले .
