राजेश बेले यांच्या आर्थिक मदतीने मृतक नितेशच्या परिवाराला मिळाला दिलासा
• देवाडा खुर्द येथील मृतक मजुराच्या परिवाराचे केले सांत्वन
🖋️ मीडिया वार्ता वृत्तसेवा
📱 8830857351
पोंभूर्णा : 20 डिसेंबर
तालुक्यातील देवाडा खुर्द येथे धान मळणी करीत असतांना अचानक थ्रेशर मशीनमध्ये दोन्ही पाय व कमरेखालचा भाग ओढल्या गेल्याने नितेश पिपरे या मजूराला आपले प्राण गमवावे लागले. आर्थिक परीस्थिती बेताची व कर्ता पुरुषच गेल्याने कुटुंबावर दुःखाचा डोंगर कोसळला होता. दुर्दैवी मृत्यू झालेल्या नितेश पिपरे (वय ३४) यांच्या कुटुंबाला सामाजिक कार्यकर्ते राजेश बेले यांनी आर्थिक मदत करुन कुटुंबाचे सांत्वन केले.
नितेश पिपरे हा गरिब कुटुंबातील कर्तबगार मुलगा होता. नितेश हा मिळेल ते काम करून आपल्या कुटुंबाचा उदरनिर्वाह करायचा. वृद्ध आई-वडील, पत्नी व दोन चिमुकल्या मुली असा त्याचा सुखी संसार सुरू होता.रविवारला मृतक नितेश हा मजुरीसाठी थ्रेशर मशीनवर गेला आणि यातच त्याचा जीव गेला. घरची आर्थिक स्थिती बेताची. नितेशच्या पश्चात पत्नी,दोन चिमुकल्या मुली व वृद्ध आई- वडील असा आप्तपरिवार आहे. कुटुंबातील कर्ता पुरुष गेल्याने परिवारावर दुःखाचा डोंगरच कोसळला. आर्थिक कोंडी सुरू झाली. अशावेळी चंद्रपूर येथील सामाजिक कार्यकर्ते राजेश बेले यांनी मृतक नितेशच्या कुटुंबीयांना सामाजिक उत्तरदायित्व म्हणून आर्थिक मदत केली व कुटुंबाचे सांत्वन केले.
यावेळी मृतकाची पत्नी सुषमा पिपरे,.वडिल बाबुराव पिपरे, सामाजिक कार्यकर्ते राजेश बेले,माजी उपसभापती ज्योती बुरांडे,सामाजिक कार्यकर्ते शैलेश जुमडे, सोनल धोपटे, कालिदास गव्हारे आदींची उपस्थिती होती.
