माहेरहून पैसे आणत नाही म्हणून एका नराधम पतीने आपल्याच पत्नीच्या गुप्तांगात रॉड घालून तिला जखमी केल्याची संतापजनक घटना घडली आहे.

पुणे:- माहेरहून पैसे आणत नाही म्हणून एका नराधम पतीने आपल्याच पत्नीच्या गुप्तांगात रॉड घालून तिला जखमी केल्याची संतापजनक घटना घडली आहे. या घटनेतील पीडितेच्या लग्नानंतर काही महिन्यात लगेचच सासरच्या लोकांनी सुनेचा पैशासाठी छळ सुरू केला होता. त्याशिवाय पतीने पत्नीसोबत अनैसर्गिक संभोग करून तिच्या गुप्तांगात केबल रॉड घालून जखमी केलं. हा धक्कादायक प्रकार पुण्यातील बोपोडी परिसरात घडला आहे.

याप्रकरणी पोलिसांनी इम्तियाज चौधरी, सईद चौधरी, अश्फाक चौधरी, जाकीर चौधरी, मकायश चौधरी, शमशुद्दीन सर्व रा. खडकी अशी गुन्हा दाखल करण्यात आलेल्याची नावे आहेत. याप्रकरणी 21 वर्षीय महिलेने खडकी पोलीस ठाण्यात तक्रार दिली आहे. पोलिसांनी दिलेल्या माहितीनुसार, फिर्यादी महिला आणि इम्तियाज यांचे काही महिन्यांपूर्वी लग्न झाले आहे. तेव्हापासून त्याने आणि इतर सासरच्या लोकांनी पैशासाठी महिलेचा छळ सुरू केला होता. माहेरहून 1 लाख रुपये आणण्यासाठी इम्तियाजने पत्नीसोबत अनैसर्गिक संभोग केला. त्यानंतर तिच्या गुप्तांगात केबल रॉड घालून जखमी केले. या घटनेने खळबळ उडाली आहे. पोलीस उपनिरीक्षक अमोल भोसले तपास करीत आहेत.