दारूच्या नशेत चौथ्या मजल्यावरून पडून एका 35 वर्षीय इसमाचा मृत्यू
सचिन पवार
रायगड ब्युरो चीफ
मो: 8080092301
रायगड :-महाड तालुक्यातील बिरवाडी- काळीज येथील घटना आज सकाळी 7:30 वाजताच्या दरम्यान बिरवाडी काळीज येथील 35 वर्षीय इसमाचा एका चार मजली इमारतीवरून पडून दुर्दैवी मृत्यू झाल्याची घटना घडली आहे. पोलीस सूत्रांकडून मिळालेल्या माहितीनुसार काळीज येथील महेंद्र मधुकर महामुनकर यांच्या मालकीचे साई स्वरूप कॉम्प्लेक्स येथे भाड्याने राहणारा मयत राजेश अफसरसिंग यादव वय वर्ष 35 राहणार काळीज, मूळ राहणार टाकीपुर, उत्तर प्रदेश याचा दारूच्या नशेमध्ये चौथ्या मजल्यावरून तोल गेल्याने राजेश खाली कोसळला. यामध्ये राजेश याचा जागीच मृत्यू झाला असून सदरचा मृत्यू देह प्राथमिक आरोग्य केंद्र बिरवाडी येथे शवविच्छेदनाकरिता पाठविण्यात आला आहे.
मिळालेल्या माहितीनुसार घटनास्थळी महाड एमआयडीसी पोलीस दाखल झाले असून या मृत्यूची आकस्मित मृत्यू अशी नोंद करण्यात आली आहे. या संपूर्ण घटनेचा अधिक तपास महाड एमआयडीसी पोलीस ठाण्याचे सहाय्यक पोलीस निरीक्षक मारुती आंधळे व पोलीस उपनिरीक्षक ज्ञानेश्वर येडवळे यांच्या मार्गदर्शनाखाली पोलीस नाईक विजय काळंगिरे हे करीत आहेत.
