यवतमाळ मध्ये खळबळ, भर चौकात गोळ्या मारून एकाची हत्या.
✒साहिल महाजन यवतमाळ जिल्हा प्रतिनिधि✒
यवतमाळ,दि.24 जुन:- यवतमाळ मधून एक खळबळजनक बातमी समोर आली आहे. यवतमाळ येथे अंधाधुद गोळीबार करुन 29 वर्षीय तरुणाची हत्या केल्याचा प्रकार समोर आल्याने सर्वीकडे भितीचे वातावरण निर्माण झाले आहे. माघील जुन्या वादातून चार ते पाच जणांनी तरुणावर हल्ला केला. गोळीबारात एकाचा जागीच मृत्यू झाला, तर एक जण गंभीर जखमी आहे. ही घटना यवतमाळ शहरातील स्टेट बँक चौक परिसरात बुधवारी रात्री 9 वाजताच्या सुमारास घडली.
करण परोपटे राह. राणी अमरावती ता. बाभुळगाव असे 29 वर्षीय मृत तरुणाचे नाव आहे. तो अक्षय राठोड टोळीचा सदस्य होता. तो रेती तस्करीही करत असल्याची माहिती आहे. शहरात भरचौकात घडलेल्या या प्रकारामुळे एकच खळबळ उडाली आहे.
बाभुळगाव तालुक्यातील राणी अमरावती येथे राहणारा गुन्हेगारी वृत्तीचा करण परोपटे हा काही कामानिमित्त बुधवारी यवतमाळ शहरातील स्टेट बँक चौकात आला होता. यावेळी तो एका हॉटेलसमोर उभा असताना रात्री 9 वाजताच्या सुमारास चार ते पाच तरुणांनी अचानक येऊन करणवर बेछूट गोळीबार केला.
उपचारादरम्यान मृत्यू
या गोळीबारमध्ये करण परोपटे आणि हॉटेल चालक गुप्ता गंभीर जखमी झाले. घटनेची माहिती मिळताच शहर पोलिसांसह परिसरातील नागरिकांनी धाव घेऊन जखमींना तातडीने यवतमाळ जिल्हा शासकीय रुग्णालयात दाखल केले. यात उपचारादरम्यान करण परोपटे याचा मृत्यू झाला.
करण परोपटे खून प्रकरणी पोलिसांनी घटनास्थळावरुन एक जिवंत काडतुस, तीन रिकाम्या केस (काडतुसे) आणि एक धारदार चाकू आदी साहित्य जप्त केले. या प्रकरणाचा पुढील तपास पोलीस करत आहेत.
