मुंबई: येथे आठ मजली बिल्डींगला भीषण आग; एका महिलेचा मृत्यू.
✒ …………. ✒
मुंबई महानगर प्रतिनिधी
मुंबई:- मुंबईच्या खार पश्चिम मधून एक आग लागल्याची खळबळजनक बातमी समोर आली आहे. येथिल नूतन व्हिला या आठ मजली बिल्डींग मधील एका घरात गुरुवारी सायंकाळी 7 वाजताच्या सुमारास अचानक भीषण आग लागली बघता बघता आगेने विक्राळ रुप धारण केल. या आगीदरम्यान धूर नाकातोंडात गेल्याने आणि काही प्रमाणात भाजल्याने गंभीर अवस्थेतील हेमा जगवानी वय 40 वर्ष यांचा दुर्दैवी मृत्यू झाला आहे. त्याचवेळी, संगीता ठाकूर वय 45 वर्ष आणि पलक जगवानी वय 10 वर्ष जखमी झाल्या असून त्यांच्यावर रुग्णालयात उपचार सुरू आहेत.
मुंबईतील उपनगर खार पश्चिमेतील गुरू गणेश्वर मार्गावरील प्लॉट क्रमांक 229 येथे नूतन व्हिला या आठ माळ्याच्या बिल्डींग मधील सातव्या माळावरील एका घरात शॉर्टसर्किटमुळे आग लागली. ही संपूर्ण इमारत जगवानी कुटुंबीयांची आहे. आग लागल्याचे समजताच पोलीस, अग्निशमन दलाने तात्काळ घटनास्थळी धाव घेऊन बचावकार्य सुरू आहे.
या आगीत नाकातोंडात आगीचा धूर गेल्याने संगीता ठाकूर वय 45 वर्ष, हेमा जगवानी वय 40 वर्ष, पलक जगवानी वय 10 वर्ष या तिघी गुदमरल्या व आगीच्या झळा बसून काही प्रमाणात भाजल्या. या तिघींना तातडीने हिंदुजा रुग्णालयात उपचारासाठी दाखल करण्यात आले. मात्र, रुग्णालयात दाखल करण्यापूर्वीच हेमा जगवानी यांचा मृत्यू ओढवल्याचे डॉक्टरांनी जाहीर केले. संगीता व पलक यांची प्रकृती स्थिर असल्याचे समजते.
