दीपक पेंदाम यांचा विजेच्या धक् या हीक्याने आकस्मीक मृत्यू, ना. मुनगंटीवार यांच्या प्रयत्नाने मुख्यमंत्री सहाय्यता निधीतुन मिळणारी ५ लाख रूपयांची मदत मान्य
अश्विन गोडबोले
चंद्रपूर महानगर प्रतिनिधी
मो:8830857351
पोंभूर्णा, 22 ऑक्टोंबर: तालुक्यातील चक हत्तीबोडी येथे महावितरण कंपनीमध्ये कार्यरत असणारे वायरमन दीपक पेंदाम हे विद्युत दुरूस्तीचे काम करीत असतांना अचानक विद्युत पुरवठा सुरू झाल्यामुळे विजेच्या धक्क्याने त्यांचा आकस्मीक मृत्यु झाला. त्यांच्या मागे त्यांची पत्नी, तीन व दिड वर्षीय दोन मुली आहेत व त्या दोन्ही मुली दिव्यांग आहेत. या दुर्देवी घटनेबद्दल क्षेत्राचे आमदार व वने, सांस्कृतीक कार्य व मत्स्यव्यवसाय मंत्री ना. सुधीर मुनगंटीवार यांनी तिव्र शोक व्यक्त केला असून या घटनेची चौकशी करण्याचे आदेश महावितरण कंपनीच्या वरिष्ठ अधिका-यांना त्यांनी दिले. पेंदाम यांच्या पश्चात त्यांच्या कुटूंबियांची परिस्थीती अतिशय हलाखिची झाली आहे. त्यामुळे त्यांच्या कुटूंबियांना मुख्यमंत्री सहाय्यता निधीतुन ५ लाख रूपयांची मदत मिळावी अशी लेखी विनंती मुख्यमंत्र्यांना केली होती. ना. मुनगंटीवार यांनी मुख्यमंत्र्यांशी दुरध्वनीवरून चर्चा केली व मुख्यमंत्र्यांनी ही मागणी ताबडतोब मान्य केली असल्याचे ना. मुनगंटीवार म्हणाले.
भविष्यात अशा प्रकारच्या घटना घडू नये याची काळजी महावितरण कंपनीच्या अधिका-यांनी घ्यावी असे निर्देशही ना. मुनगंटीवार यांनी यावेळी अधिका-यांना दिले. अपघातानंतर भाजपा नेत्या व जिल्हयाच्या महिला आघाडीच्या अध्यक्ष अल्का आत्राम, अजित मंगळगिरीवार, दर्शन गोरंटीवार, बंडू बुरांडे, वैभव पिंपळशेंडे, सातपुते यांनी घटनास्थळावर सर्वतोपरी मदत केली.
