संतापजनक…! ७५ वर्षीय म्हाताऱ्याचे अश्लाघ्य कृत्य ; दोन अल्पवयीन मुलींवर केला अत्याचार
नागभिड तालुक्यातील घटना ; म्हाताऱ्या अटक
नागभिड तालुक्यातील घटना ; म्हाताऱ्या अटक
*अरुण रामुजी भोले*
*नागभिड तालुका प्रतिनिधि*
*9403321731*
नागभिड- तालुका तील मौजा किरमिंटि मेंढ़ा येथील रहिवासी एका ७४ वर्षीय म्हाताऱ्याने दोन अल्पवयीन मुलींवर अत्याचार केल्याची अश्लाघ्य घटना चंद्रपूर जिल्ह्यात घडली.या घटनेने सर्वत्र संताप व्यक्त केला जात आहे.ही घटना नागभीड तालुक्यातील किरमिटी (मेंढा) येथे घडली. याप्रकरणी नागभीड पोलिसांनी आरोपीवर गुन्हा दाखल केला आहे.पांडुरंग लवाजी बावणे (७५) असे आरोपीचे नाव आहे.
पोलीस सूत्रांनी दिलेल्या माहीतीनुसार , म्हाताऱ्या आरोपीने गावाशेजारील बोरे वेचत असलेल्या एका अल्पवयीन मुलीला बळजबरीने जवळच असलेल्या एका घरात नेऊन अत्याचार केला. याबद्दल कुणाला सांगितलं तर जिवे मारण्याची धमकी दिली.तो ऐवढ्यावरच थांबला नाही तर ,ज्या घरात त्याने घृणास्पद चाळे केले.त्या घरातील मुलीवरही बळजबरी केली.या दोन्ही मुलींना जिवे मारण्याची धमकी दिल्याने दोन्ही मुली धास्तावल्या.ही घटना 17 डिसेंबरला घडली.या घटनेने दोन्ही मुली मानसिकरीत्या खचल्या होत्या.दोन-तीन दिवस अबोला धरलेल्या मुलींना बघून वडीलांना शंका आली.आई बाहेर गावी गेली होती.वडीलांने पत्नीला बोलावले.आई जवळ मुलीने घडलेला प्रकार सांगितला.घटना ऐकून पालक हादरले.दोन्ही मुलीचा पालकांनी पोलीस स्टेशन गाठून तक्रार नोंदविली.तक्रारीनुसार नागभीड पोलिसांनी आरोपीविरुद्ध कलम ३७६ (१ए), ३७६ (एबी), ५०६ सहकलम ४, ६, १० बाललैंगिक अत्याचार प्रतिबंधक कायद्यान्वये गुन्हा दाखल केला. अधिक तपास उपविभागीय पोलीस अधिकारी मिलिंद शिंदे यांच्या मार्गदर्शनाखाली ठाणेदार आर. बी. मेढे,पूनम पाटील करीत आहेत.
