सहमती असेल तर लवकरच होऊ शकतो घटस्फोट 6 महिन्याची वेळ द्यायची आवश्यकता नाही. हायकोर्ट.
हिरामण गोरेगांवकर
मुंबई :- पंजाब हरियाणा कोर्टाने आपल्या एका निर्णयात आपसातील सहमतीच्या आधारावर घटस्फोटाची ( divorce) मागणी करणाऱ्या एका दांम्पत्याला सहा महिन्याच्या कायदेशीर प्रतीक्षा कालावधीत सूट दिली. हायकोर्टाने स्पष्ट केले की जर पती पत्नीमध्ये विभक्तता झालेली असेल आणि त्यांनी एकमेकांसोबत राहण्याची सर्व शक्यता संपलेल्या असतिल तर त्यांना नाते वाचविण्यासाठी वेळ देण्याची आवश्यकता नाही.
सण 2019 पासून वेगळे राहत आहेत पती -पत्नी
या सोबतच हायकोर्टाने दाम्पत्याला सहा महिन्याच्या कालमर्यादेत सूट देत ताबडतोब फॅमिली कोर्टाला त्यांच्या घटस्फोटावर निर्णय देण्याचा आदेश दिला. हा आदेश एका दाम्पत्याद्वारे आपसातील सहमतीच्या आधारावर घटस्फोट मागणीच्या याचिकेवर सुनावणी करताना जारी केला. कोर्टाला सांगण्यात आले की, त्यांचा विवाह डिसेंबर 2018 मध्ये इज्जरमध्ये हिंदू रितीरिवाजानुसार झाला होता दोघे हिसार मध्ये पती -पत्नी म्हणून राहत होते त्यांना संतती देखील नाही आपसातील वादामुळे दोघेही ऑगस्ट 2019 पासून वेगळे राहू लागले
घटस्फोटापूर्वी दुसऱ्या विवाहाची तयारी…
तडजोड होऊ न शकल्याने त्यांनी 13ऑक्टोबर 2020 ला फॅमिली कोर्टासमोर हिंदू विवाह कायद्याअंतर्गत आपसातील सहमतीने विवाह संपवणे आणि घटस्फोटासाठी एक संयुक्त याचिका दाखल केली. 13 डिसेंबर 2020 ला या प्रकरणाचा वेळी त्यांचे जबाब सुद्धा नोंदवले गेले आणि दुसऱ्या सुनावणी साठी प्रकरण 19 एप्रिल 2021 पर्यत स्थगित करण्यात आले या दरम्यान महिलेने ( घटस्फोट मागणारी पत्नी )आपल्या दुसऱ्या विवाहाची तयारी सुरु केली होती परंतु घटस्फोटासाठी आपसातील सहमतीची याचिका विचाराधीन असल्याने ती असे करू शकत नव्हती.
