यवतमाळ तीन वर्षीय पोटच्या चिमुकल्याची हत्या करून बापाची आत्महत्या
✒साहिल महाजन✒
यवतमाळ जिल्हा प्रतिनिधी
यवतमाळ,दि.25 जुलै:- यवतमाळ येथून एक धक्कादायक बातमी समोर आली आहे. पोटच्या तीन वर्षीय चिमुकल्याची हत्या करून बापाने गळफास घेउन आत्महत्या केल्याने एकच खळबळ माजली आहे.
यवतमाळ जिल्हातील मंगरूळ येथे राहणा-या संजय शिवा उके वय 30 वर्ष, यांने आपल्या पोटच्या चिमुकल्या मुलाची सहयोग उके वय 3 वर्षे यांची हत्या केली. आपल्याच मुलाची हत्या करुन संजय शिवा उके याने पण गळाफास घेऊन आत्महत्या केली या घटनेने परिसरात एकच खळबळ उडाली आहे.
आत्महत्या केलेला संजय ऊके हा काही वर्षांपासून यवतमाळ तालुक्यातील चिचघाट येथे त्यांच्या सासरी राहात होता. मजुरी करून तो उदरनिर्वाह करत होता. गुरुवारी तो आपल्या 3 वर्षाचा मुलाला घेऊन मंगरूळ येथे आला. बराच उशीर होऊनही संजय घराबाहेर आला नसल्याने शेजारच्या लोकांनी उघड्या असलेल्या खिडकीतून घरात डोकावून पाहिले असता, वडील व मुलगा दोघेही गळफास लावलेल्या स्थितीत आढळले. पोलीसांना घटनेची माहिती देण्यात आली. पोलिसानी पंचनामा करुन मृतदेह उर्वरित तपासनी साठी रूग्णालयात पाठवले. पुढील तपास करत आहे.
