*केंद्र सरकारच्या शेतकरी विरोधी धोरणाच्या विरोधात खासदार साहेब राजिनाम्याचे धाडस दाखवा!*
वर्धा:- या वर्षी निसर्गाच्या प्रक्रोपामुळे शेतकरी हवालदिल आहे, त्यांत केंद्र सरकारच्या शेतकरी विरोधी धोरणामुळे शेतकरी संकटात सापडला आहे. शेतक-याचे सोयाबीनच पीक गेल, कापूस पीक पण शेवटची घटका मोजत आहे. दुसरीकडे केंद्र सरकारने कांद्यावर निर्यातबंदी केली. कांद्यावर निर्यातबंदी उठवावी, या मागणीसाठी वर्ध्यात खासदार रामदास तडस यांच्या घरासमोर शेतकरी संघटनेच्यावतीने गुरुवारी आंदोलन करण्यात आले.
कांद्यावर देशात असलेली निर्यातबंदी उठवावी, या मागणीसाठी वर्ध्यात खासदार रामदास तडस यांच्या घरासमोर शेतकरी संघटनेच्यावतीने गुरुवारी आंदोलन करण्यात आले. खासदाराला एक किलो कांदा भेट देत केंद्र शासनाच्या निर्यातबंदीच्या धोरणाचा निषेध करण्यात आला. केंद्र सरकारने निर्यातबंदी न हटविल्यास खासदार रामदास तडस यांनी शेतकरी हितासाठी राजीनामा द्यावा, अशी मागणी करण्यात आली.
देशात कांद्यावर निर्यातबंदी लादण्यात आली आहे. शेतकऱ्यांचे हीत केंद्र सरकार लक्षात घेत नाही. एकीकडे जीवनावश्यक वस्तूचा कायदा केला जातो, तर दुसरीकडे निर्यातबंदी लादली जाते. लवकरात लवकर निर्यातबंदी उठविण्यात यावी, अशी मागणी करण्यात आली. यावेळी विविध घोषणा देत खासदार तडस यांच्या घराजवळ पोहोचलेल्या शेतकऱ्यांनी खासदारांना कांदा भेट देऊन निवेदन दिले. आंदोलनात शेतकरी संघटनेचे मधुसूदन हरणे, सतीश दाणी, सचिन डाफे यांच्यासह कार्यकर्ते सहभागी झाले होते.
