म्हशींच्या कळपाने वाचविले गुराख्याचे प्राण, वाघाचा हल्ला लावला परतवून, वाघाच्या हल्ल्यात मालक गंभीर जखमी
अश्विन गोडबोले
चंद्रपूर जिल्हा प्रतिनिधी
मो: 8830857351
सिंदेवाही, 24 सप्टेंबर:सिंदेवाही वनपरिक्षेत्रातील तांबेगडी मेंढा उपवनक्षेञातील घोट येथे वाघाने हल्ला करून गुराख्यास गंभीर जखमी केल्याची घटना रविवारी 24 सप्टेंबर रोजी सायंकाळच्या सुमारास घडली. तालुक्यातील घोट येथील मोरेश्वर लालाजी कावळे (वय 39 वर्षे) हे नेहमी प्रमाणे आपल्या म्हशी जंगलात चारावयास गेले होते. सायंकाळच्या सुमारास गावाकडे परतत असताना दबा धरून बसलेल्या वाघाने गुराखी मोरेश्वर यांच्यावर जोरदार हल्ला करून गंभीर जखमी केले. मालकावर वाघाने हल्ला चढवल्याचे म्हशींच्या लक्षात येताच चरत असलेल्या म्हशींच्या कळपाने वाघावर हल्ला चढवत वाघाला पिटाळून लावले. परंतू गुराखी मोरेश्वर हे वाघाच्या हल्ल्यात गंभीर जखमी झाले.
घटनेची माहिती मिळताच वनविभाग तांबेगडी मेंढाचे वनपाल बुरांडे व वनरक्षक सोरते यांनी गुराख्यास तातडीने सामान्य रुग्णालय सिंदेवाही येथे भरती केले. जखमी गुराख्यावर उपचार सुरू आहे.
