चंद्रपुरात धारदार शस्त्राने वार करत तरुणाची हत्या, हल्लेखोर फरार
🖋 अश्विन गोडबोले
चंद्रपूर महानगर प्रतिनिधी
मो. 8830857351
चंद्रपूरात एका २० वर्षीय तरुणाची हत्या करण्यात आली आहे. बायपास मार्गावरील अस्टभुजा प्रभागात सकाळी सहा वाजण्याच्या सुमारास ही घटना घडली. धर्मवीर अशोक यादव असं हत्या झालेल्या तरुणाचं नाव आहे, हल्ल्यानंतर आरोपी तेथून पसार झाले असून पोलीस आरोपींचा शोध घेत आहेत.
बुधवारी 25 मे रोजी सकाळी धर्मवीर अशोक यादव (२०) या तरुणाची धारदार शस्त्राने हत्या करण्यात आली. हत्या करणारे अनोळखी इसम हल्ल्यानंतर तेथून पसार झाले आहेत. घटनेची माहिती प्राप्त होताच रामनगर पोलिस घटनास्थळी दाखल झाले. आरोपींचा शोध सुरू आहे .
