पूर्व विदर्भातून अधिवेशनाला जाणार हजारो ओबीसी बांधव : विदर्भवादी ओबीसी नेते डॉ. अशोक जीवतोडे
नवी दिल्लीत राष्ट्रीय ओबीसी महासंघाचे सातवे महाअधिवेशन ७ ऑगस्टला
🖋 अश्विन गोडबोले
चंद्रपूर महानगर प्रतिनिधी
📱 8830857351
चंद्रपूर :राष्ट्रीय ओबीसी महासंघाचे ७ वे राष्ट्रीय महाअधिवेशन ७ ऑगस्टला तालकटोरा इंडोर स्टेडियम, न्यू दिल्ली येथे सकाळी ९ ते सायंकाळी ५ वाजेपर्यंत आयोजित केले आहे. राष्ट्रीय ओबीसी महासंघाचे राष्ट्रीय समन्वयक डॉ. अशोक जीवतोडे यांच्या मार्गदर्शनात अधिवेशनाची तयारी सुरु आहे.
ओबीसींची जातनिहाय जनगणना व्हावी, जनगणनेत निष्पन्न झालेल्या ओबीसी संख्येनुसार संपूर्ण भारतात ओबीसी आरक्षण लागू करण्यात यावे, केंद्र सरकारने २४३ (टी), २४३(डी) सेक्शन ६ मध्ये बदल करावा, केंद्रात स्वतंत्र ओबीसी मंत्रालय स्थापन व्हावे, प्रत्येक जिल्ह्यात ओबीसी विद्यार्थ्यांसाठी वसतिगृह व्हावे, ओबीसी विद्यार्थ्यांना शंभर टक्के शिष्यवृत्ती मिळावी, शेतकऱ्यांना शंभर टक्के सबसिडीवर योजना लागू करावी, ओबीसी कर्मचाऱ्यांना पदोन्नती मिळावी, क्रिमिलियरची मर्यादा वाढवावी, व राज्याच्या तथा केंद्राच्या इतर मागण्या आदी बाबींवर अधिवेशनात मंथन होणार आहे.
या अधिवेशनासाठी राष्ट्रवादी काँग्रेसचे राष्ट्रीय अध्यक्ष शरद पवार, छत्तीगढचे मुख्यमंत्री भूपेश बघेल, बिहारचे मुख्यमंत्री नितीश कुमार, महाराष्ट्राचे मुख्यमंत्री एकनाथ शिंदे, तामिळनाडुचे मुख्यमंत्री स्टॅलीन, उपमुख्यमंत्री देवेंद्र फडणवीस, केंद्रीय मंत्री भगवान कराड, केंद्रीय मंत्री कपिल पाटील, बिहारचे माजी उपमुख्यमंत्री तेजस्वी यादव, मागासवर्गीय आयोगाचे माजी अध्यक्ष जस्टीस ईश्वरया, माजी मंत्री छगन भुजबळ, माजी मंत्री महादेव जानकर, माजी मंत्री जयदत्त सिरसागर, खासदार गणेश सिंग, खासदार वड्डीराजू रवींद्र, खासदार बड्डुला यादव, खासदार राम मोहन नायडू, खासदार राम चंद्रा जागरा, खासदार बाळूभाऊ धानोरकर, खासदार रामदास तडस, खासदार सुशील मोदी, खासदार विलसन, माजी केंद्रिय मंत्री हंसराज अहीर, खासदार डॉ. के. लक्ष्मण, खासदार भारत मार्गणी, खासदार मिसा भारती, माजी खाजदार राजकुमार सैनी, आमदार किसन कातोरे, काँग्रेसचे महाराष्ट्र प्रदेशाध्यक्ष नाना पटोले, माजी मंत्री विजय वडेट्टीवार, आमदार भाई जयंत पाटील, माजी मंत्री चंद्रशेखर बावनकुळे, आमदार रामकुमारी ढिल्लोन, आमदार परिणय फुके, माजी मंत्री संजय कुंटे यांच्यासह इतरही मान्यवरांना निमंत्रित केले आहे.
अधिवेशनात बिहारचे माजी मुख्यमंत्री लालु प्रसाद यादव यांचा जाहीर सत्कार करण्यात येणार आहे. सोबतच ‘लढा अस्तित्वाचा’ या ओबीसी प्रवर्गाशी संबंधित शासन निर्णय असलेल्या विशेषांकाचे प्रकाशन होणार आहे.
या अधिवेशनाला देशभरातून असंख्य कार्यकर्ते उपस्थित राहणार आहेत. या अधिवेशनाला उपस्थित राहण्याचे आवाहन राष्ट्रीय ओबीसी महासंघाचे राष्ट्रीय अध्यक्ष डॉ. बबनराव तायवाडे, महासचिव सचिन राजूरकर, समन्वयक डॉ. अशोक जिवतोडे, सहसचिव शरद वानखेडे, महामंत्री मुकेश नंदन, प्रा. शेषराव येलेकर, जिल्हाध्यक्ष नितीन कुकडे, युवा महासंघाचे अध्यक्ष सुभाष घाटे, डॉ. सुधाकर जाधव, इंजी. रमेशचंद्र घोलप, गुणेश्वर आरिकर, मनोज चव्हाण, रेखा बारहाते, सुषमा भड, प्रदेशाध्यक्ष प्रकाश भागरथ, युवाचे प्रदेशाध्यक्ष चेतन शिंदे, कर्मचारी महासंघाचे श्याम लेडे, महिला महासंघाच्या कल्पना मानकर, कर्मचारी महिला महासंघाचे रजनी मोरे, दिनेश चोखारे, राजु चौधरी, शकिल पटेल, प्रदिप वादाफळे, बबनराव फंड, बबनराव वानखेडे, प्रा. रविकांत वरारकर, विजय मालेकर, ज्योसना राजूरकर, मंजुशा डूडुरे, प्रा. संजय बरडे, संजय सपाटे, डॉ. आशीष महातळे, रवि जोगी, राजेश काकडे, विजय पटले, विनोद हजारे, पराग वानखेडे, विनोद उलीपवार, शुभम वाघमारे, निलेश कोडे, रुषभ राऊत, रुतिका डफ यांनी केले आहे.
