मलगांव प्रकरणातील खुन करणाऱ्या आरोपींना जामीन मंजूर करू नका; बिरसा फायटसनी केली मागणी…
प्रकाश नाईक
नंदुरबार ब्युरो चीफ
मो: 9511655877
नंदुरबार : दि. 26 ऑगस्ट शहादा पोलीस ठाणे शहादा येथे भा.दं.सं.१८६० कलम ३०२, ३०७, ४४७,१४३, १४७, १४८,१४९,३,२५,४,३१(१),३७(३),१३५ अन्वये खुनाच्या गंभीर गुन्ह्य़ात आरोपी असणारे १) सुनिल राजेंद्र पावरा २) गणेश दिवान खर्डे ३) सोनीबाई गणेश खर्डे ४) अरुन राजेंद्र पावरा ५) ललिताबाई राजेंद्र पावरा ६) रमीबाई दिवान खर्डे यांना जामीन मंजूर करू नका,अशी मागणी बिरसा फायटर्स संघटनेने शहाद्याचे पोलीस निरीक्षक यांच्याकडे केली आहे.या मागणीचे निवेदन सहाय्यक पोलीस निरीक्षक लक्ष्मण चव्हाण यांना देण्यात आले आहे.
निवेदनात म्हटले आहे की, शेतीच्या वादातून मलगांव ता.शहादा जि.नंदुरबार येथे अविनाश सुखराम खर्डे( मुलगा) व सुखराम कलजा खर्डे (वडील ) यांना गावठी गट्ट्याने- बंदूकीने गोळ्या झाडून ठार करण्यात आले होते. या घटनेबाबत पोलीस ठाणे शहादा येथे दिनांक २७/०७/२०२३ रोजी फौजदारी गुन्हा दाखल करण्यात आला असून आरोपी सुनिल राजेंद्र पावरा,गणेश दिवान खर्डे,सोनीबाई गणेश खर्डे,अरून राजेंद्र पावरा, ललिताबाई राजेंद्र पावरा,रमीबाई दिवान खर्डे यांच्यावर भारतीय दंड संहिता कलम ३०२, ३०७, ४४७, १४३, १४७, १४८, १४९,३,,२५,४,३१(१),३७(३),१३५ अन्वये खुनाच्या गंभीर गुन्ह्य़ात अटक करण्यात आली आहेत. सदर आरोपी जामीन मिळावा,म्हणून विविध कारणे दाखवून कारागृहाबाहेर सुटण्याचा प्रयत्न करत आहेत.
खुनाच्या गंभीर गुन्ह्य़ात अटक झालेल्या आरोपींना जामीन मंजूर झाल्यास पुन्हा या आरोपींकडून खुनाचे दुष्कृत्य घडून मयतच्या नातेवाईकांस तसेच समाजातील इतर व्यक्तींच्या जीवितास धोका उद्धभवू शकतो. तसेच कायदा व सुवस्थेचा प्रश्न निर्माण होऊन गावातील वातावरण बिघडू शकते. आरोपीस कायद्यानुसार फाशीची शिक्षा होणे गरजेचे आहेत. तरी वरील खुनाच्या गंभीर गुन्ह्य़ात अटक असणा-या आरोपींना कुठल्याही परिस्थितीत जामीन मंजूर होवू नये,अशी मागणी बिरसा फायटर्स संघटनेने पोलीस प्रशासनाकडे केली आहे.
यावेळी बिरसा फायटर्सचे राष्ट्रीय अध्यक्ष सुशिलकुमार पावरा,राज्य सदस्य अशोक वळवी ,जिल्हा प्रसिद्धीप्रमुख जालिंदर पावरा,राज्य उपाध्यक्ष गणेश खर्डे, सदस्य निकेश पावरा आदी कार्यकर्ते उपस्थित होते.
