रिपब्लिकन पक्ष (खोरीपा)तर्फे जेष्ठ पत्रकारांचा सत्कार
मुंबई: लोकशाहीचा चौथा स्तंभ म्हणून ओळखल्या जाणाऱ्या पत्रकार बंधू भगिनींच्या बद्दल कृतज्ञता व्यक्त करण्याचा दिवस म्हणजे 6 जानेवारी पत्रकार दिन.पत्रकार हे समाजात घडणाऱ्या प्रत्येक घटनेची माहिती जनसामान्यांपर्यंत पोहोचविण्याचे अविरत काम करीत असतात.अशा या अविरतपणे काम करणाऱ्या पत्रकारांचा प्रजासत्ताक दिनाच्या पूर्वसंध्येला रिपब्लिकन पक्ष (खोरीपा ) तर्फे मुंबई आझाद मैदान येथील खोरीप कार्यालयात सन्मान करण्यात आला.
रिपब्लिकन पक्षाचे (खोरीपा) प्रदेशाध्यक्ष सुनील भाऊ निरभवणे, व एकतावादी रिपब्लिकन पक्षाचे अध्यक्ष दिलीप दादा जगताप या मान्यवरांच्या हस्ते जेष्ठ पत्रकार दिवाकर शेजवळ, वरिष्ठ क्राईम रिपोर्टर शिरीष वानखेडे, नवशक्ती वरिष्ठ पत्रकार रमेश औताडे आणि दैनिक सकाळ व नवराष्ट्रचे वरिष्ठ पत्रकार दिनेश मराठे यांचा शाल , फुलांचा गुच्छ व सन्मानचिन्ह देऊन सत्कार करण्यात आला.या प्रसंगी खोरीपचे महाराष्ट्र प्रदेश अध्यक्ष सुनील भाऊ निरभवणे, मुंबई अध्यक्ष भागवत कांबळे,कार्याध्यक्ष सलीम खतीब, सरचिटणीस विक्रांत पाटील, वरिष्ठ आंबेडकरी चळवळीचे नेते दिलीप दादा जगताप,रिपाई (आठवले ) कामगार नेते प्रकाश जाधव,जेष्ठ आंबेडकरी नेते रोकडे साहेब आणि पत्रकार मोठ्या संख्येने या कार्यक्रमाला उपस्थित होते.
