आ. गोगावले यांच्यासाठी मतदार संघातील जनता हेच कुटुंब : सुषमाताई गोगावले-अडीअडचणीत धावणाऱ्या भरतशेठनाच आमचं मतं : मुस्लिम भगिनींचा निर्धार
✍️सचिन पवार ✍️
कोकण ब्युरो चीफ
📞8080092301📞
महाड :-महाड विधानसभा मतदार संघात आ. भरतशेठ गोगावले , युवा सेनेचे कोकण संघटक विकास गोगावले यांच्या प्रमाणे रायगड जिल्हा परिषदेच्या माजी सदस्या सौ. सुषमाताई गोगावले या देखील झंझावाती दौरे करीत आहे.मतदार संघातील सर्व समाजातील भगिनीकडून त्यांना उदंड प्रतिसाद मिळत आहे. आज मतदार संघातील खाडी पट्ट्याच्या दौऱ्यावर असलेल्या सुषमाताई गोगावले यांना मुस्लिम भगिनींकडून अडी अडचणीत धावणाऱ्या आणि घरातून कुणालाही रिकाम्या हाती न पाठवणाऱ्या भरतशेठ गोगावले यांनाच आम्ही मत देणार असा निर्धार केल्याचे सांगितले.
यावेळी सौ. सुषमा गोगावले यांनी आमदार भरतशेठ गोगावले हे स्वतःच्या कुटुंबाला जेवढा वेळ देत नाहीत तेवढा वेळ ते मतदार संघातील जनतेला देत असतात. स्वतःच्या तब्बेतीची काळजी ते घेत नाहीत मात्र मतदार संघातील जनतेचे आरोग्य स्वस्थ राहावे यासाठी ते सतत झटत असतात. मतदार संघातील जनतेलाच ते आपल कुटुंब मानतात त्यामुळे असा आमदार भेटणे हे महाड मतदार संघातील जनतेचे भाग्य असून मतदार संघाचे भाग्य आणखीन उजळावे यासाठी आमदार गोगावले यांना चौथ्यांदा विक्रमी मताधिक्याने विजयी करा असे आवाहन सुषमाताई गोगावले यांनी केले.खाडीपट्टा विभागातील कुंबळे मोहल्यात माजी जिल्हा परिषद सदस्या सौ सुषमा ताई गोगावले यांनी भेट दिली असता महिलांनी त्यांचे उत्स्फूर्तपणे स्वागत केले.यावेळी सौ गोगावले यांच्या समवेत विभागातील पदाधिकारी लोकप्रतिनिधी इत्यादी उपस्थित होते .
