डाक्टर बाबासाहेब आंबेडकर नगर परिषद उच्च प्राथमिक शाळा संकुल गडचिरोली येथे राष्ट्रीय विज्ञान प्रदर्शनी,
✍ विनोद कोडापे✍
📱8380802959📱
जिल्हा प्रतिनिधी गडचिरोली
गडचिरोली,राष्ट्रीय विज्ञान दिनानिमित्त विद्यार्थ्यांमधील विज्ञान विषयक सुप्त कल्पनांना व्यासपीठ मिळावे याद्रुष्टीने डाक्टर बाबासाहेब आंबेडकर नगर परिषद उच्च प्राथमिक शाळा संकुल गडचिरोली. येथे विज्ञान प्रदर्शन आयोजित करण्यात आले. विज्ञान प्रदर्शनाचे उद्घाटन नगर परिषद मुख्यधिकारी विशाल वाघ आशिष येरेकर, सहाय्यक जिल्हाधिकारी गडचिरोली यांचे हस्ते करण्यात आले. याप्रसंगी नगरसेवक रंजना गेडाम, गडचिरोली, उपस्थित होते. नगर परिषद मुख्यधिकरी यांनी विद्यार्थ्यांकडून सादर केलेल्या प्रयोगाची माहिती जाणून घेतली व सोबतच विद्यार्थ्यांना मार्गदर्शन केले. सोबतच मानवी आंतर इंद्रीयांच्या विद्यार्थी व शिक्षकांनी काढलेल्या रांगोळ्या, सायन्स वाल याचे अवलोकन केले. या प्रदर्शनात एकुण 75 विज्ञान प्रतीक्रुती सादर करण्यात आल्या. सोबतच वैज्ञानिकांचे जीवन परिचय प्रदर्शन, विज्ञान प्रेक्षागृहात वैज्ञानिकांच्या जीवनावर आधारित चित्रपट विद्यार्थ्यांना दाखविण्यात आले. याठिकाणी विसापूर, गोकुळनगर, राजीव गांधी, महात्मा गांधी या शाळेचे विद्यार्थी सहभागी झालेत. एकंदर नगर परिषद शाळांचे 1700 विद्यार्थी सहभागी झालेत. या विज्ञान प्रदर्शनाला गडचिरोली शहरातील नागरिकांनी भेट देऊन उत्स्फूर्त सहभाग नोंदवला व विद्यार्थ्यांचे कौतुक केले. हा कार्यक्रम यशस्वी करण्यास मा. विशाल वाघ, मुख्य अधिकारी यांचे मार्गदर्शनात शिक्षण विभाग प्रमुख बंडू ताकसांडे, केंद्र प्रमुख तथा मुख्याध्यापक रामटेके मॅडम इतर शाळांचे मुख्याध्यापक व डॉ. बाबासाहेब आंबेडकर शाळा संकुलचे गेडाम मॅडम, चीलमवार मॅडम, बोबाटे मॅडम, काटकर मॅडम, वैशाली मॅडम, साळवे मॅडम, पूजा मॅडम इतर नगर परिषद शाळांचे सर्व शिक्षक, शाळा व्यवस्थापन समिती सदस्य, पालक यांनी सहकार्य केले.
