🟢इको प्रो | रामाळा तलाव, चंद्रपूर🏝️ रामाळा तलाव संवर्धनासाठी 9.3 कोटी रुपयांचा निधी मंजूर • एसटीपी आणि रिटेनिंग वॉल बांधकामासाठी 9.3 करोड • इको-प्रोने मानले जिल्हाधिकार्‍यांचे आभार

🟢इको प्रो | रामाळा तलाव, चंद्रपूर🏝️
रामाळा तलाव संवर्धनासाठी 9.3 कोटी रुपयांचा निधी मंजूर

• एसटीपी आणि रिटेनिंग वॉल बांधकामासाठी 9.3 करोड
• इको-प्रोने मानले जिल्हाधिकार्‍यांचे आभार

🖋️ मीडिया वार्ता वृत्तसेवा
📱 8830857351

चंद्रपूर : 28 फेब्रुवारी
रामाळा तलाव संवर्धनासाठी जिल्हाधिकारी विनय गौडा यांनी 9.3 कोटी रुपयांचा निधी मंजूर केला आहे. या निधीतून एसटीपी आणि रिटेनिंग वॉल बांधकाम करण्यात येणार आहे. ही मागणी मान्य केल्याबाबत इको-प्रो संस्थेने जिल्हाधिकारी यांचे आभार मानले.
2021 मध्ये इको-प्रोने रामाळा तलाव सत्याग्रह-आंदोलन केले होते. या आंदोलनानंतर तलावाचे खोलीकरण करण्यात आले. मात्र, एसटीपी आणि रिटेनिंग वॉल बांधकामासाठी निधी उपलब्ध नव्हता. 22 फेब्रुवारी 2024 रोजी इको-प्रोने पुन्हा आंदोलन करण्याचा इशारा दिला होता. मात्र, जिल्हाधिकार्‍यांनी आश्वासन दिल्यामुळे आंदोलन स्थगित करण्यात आले. जिल्हाधिकारी यांनी दिलेल्या आश्वासनानुसार खनिज विकास निधी अंतर्गत एसटीपी आणि रिटेनिंग वॉलच्या बांधकामासाठी 9.3 करोड रुपये मंजूर केले आहेत. या निधीमुळे रामाला तलाव संवर्धनाचा महत्वाचा टप्पा पूर्ण होण्यास मदत होईल. याबद्दल इको-प्रोच्या शिष्टमंडळाने पुष्पगुच्छ देऊन जिल्हाधिकार्‍यांचे आभार मानले. शिष्टमंडळात बंडू धोतरे, अभय बडकेलवार, सेवानिवृत्त वनाधिकारी, नितीन रामटेके, अब्दुल जावेद आणि भारती शिंदे उपस्थित होते.