सिंदेवाही महिला वैद्यकीय अधिकारी यांनी दाखल केला गटविकास अधिकारी उंदिरवाडेवर विनयभंगाचा गुन्हा?.
✒मुकेश शेंडे सिंदेवाही तालुका प्रतिनिधि✒
सिंदेवाही,दि.28 एप्रिल:- सिंदेवाही येथून एक धक्कादायक बातमी समोर आली आहे. त्यामूळे सिंदेवाही प्रशासनात एकच खळबळ उडाली आहे. सिंदेवाही तालुक्यातील महिला वैद्यकीय अधिकारी यांनी सिंदेवाही पंचायत समितीचे गटविकास अधिकारी यांच्यावर गंभीर आरोप केले आहे. लेखी स्वरुपात पोलिसांत तक्रार देऊन गटविकास अधिकारी कुणाल उंदिरवाडे यांचेवर विनयभंगाचा गुन्हा दाखल केला आहे.
सिंदेवाही तालुक्यातील महिला वैद्यकीय अधिकारी यांना गटविकास अधिकारी कुणाल उंदीरवाडे यांनी स्वतःचे कार्यालयात बोलावून त्यांचा विनयभंग करून त्यांना मानसिक त्रास दिल्याची लेखी तक्रार पोलीस स्टेशन येथे प्राप्त झाली.
प्राप्त तक्रारीचे अनुषंगाने सिंदेवाही पोलीस स्टेशन येथे गटविकास अधिकारी यांचे विरोधात भा. द. वि कलम 354 अन्वये गुन्हा नोंद करण्यात आलेला आहे. सिंदेवाही पोलिस स्टेशनचे पोलिस निरीक्षक योगेश घारे यांचा मार्गदर्शनात सदर गुन्ह्याचा तपास पी.एस.आय नेरकर करीत आहेत.
