संघटनशक्ती, शिस्त आणि भक्ती यांचा सुंदर संगम – श्रीराम मंडळाचा महिला महाआरती आणि कुंकूमार्चन कार्यक्रम”

“संघटनशक्ती, शिस्त आणि भक्ती यांचा सुंदर संगम – श्रीराम मंडळाचा महिला महाआरती आणि कुंकूमार्चन कार्यक्रम”

म्हसळा: संतोष उध्दरकर

म्हसळा:म्हसळा शहरात नवरात्रोत्सवाच्या निमित्ताने श्रीराम सामाजिक, सांस्कृतिक व क्रीडा मंडळाच्या महिला विभागातर्फे आयोजित महिला महाआरती व कुंकूमार्चन कार्यक्रम अत्यंत उत्साहपूर्ण व शिस्तबद्ध वातावरणात पार पडले. तब्बल तिनशेहुन अधिक महिलांच्या सहभागातून महाआरती व कुंकूमार्चन विधी पार पडला. सलग तिसऱ्या वर्षी असे उपक्रम यशस्वीपणे राबवून म्हसळा तालुक्याच्या सांस्कृतिक जडणघडणीत महिलांचे योगदान मोठ्या प्रमाणात असल्याचे मंडळा कडुन सांगण्यात आले.

श्रीराम मंडळ हे म्हसळ्यामधील प्रतिष्ठित व नावाजलेले मंडळ असून मागील तीन वर्षांपासून महिला महाआरतीचे आणि कुकूंमार्चन कार्यक्रमाचे नियोजन महिला सदस्यांद्वारे केले जाते. त्यामध्ये कार्यक्रमाचे वेळापत्रक आखणे, निमंत्रण पत्रिका वाटणे, आरतीसाठी रांगा लावणे , प्रसाद वितरण करणे, सूत्रसंचालन करणे आदी सर्व जबाबदाऱ्या महिलांचे वेगवेगळे गट पार पाडतात. रात्री गरबा रसिकांसाठी लकी ड्रॉ, लहान मुलांना भेटवस्तू वाटप करणे यांसारखे आकर्षक कार्यक्रमही घेण्यात येतात. यावर्षी कुमारी मनाली समीर करडे हिने तबला वादन करून महाआरतीत विशेष रंगत आणली.
यावर्षी महेश जोशी यांच्या मार्गदर्शनाखाली पारंपरिक कुंकूमार्चन कार्यक्रम घेण्यात आला. नवरात्रातील घटस्थापना, कुमारिका पूजन व सौभाग्यवती पूजनप्रमाणेच कुंकूमार्चन हा देवीपूजेचा महत्त्वाचा विधी असून देवीच्या कृपेसाठी याला विशेष स्थान आहे.
या दोन्ही कार्यक्रम यशस्वी करण्यासाठी कल्पिता करडे, अनिषा करडे, गौरी पोतदार, भाविका पोतदार, वनिता समेळ, स्नेहल निजामपुरकर, गौरी करडे, संपदा पोतदार, निमिषा ओक, भक्ती करडे, प्राजक्ता करडे, नेहा करडे, संगिता करडे, पूजा पानसरे, चैताली करडे,करूणा करडे,दर्शना करडे, ज्योती करडे,अनघा पानट,उमा जोशी,सुतार मॅडम,मानसी बनकर, सिद्धी हेगिष्ट्ये, धनश्री फाटक, हर्षला करडे, जागृती करडे, अदिती करडे, वैभवी जोशी, समिधा वेदक आदी महिलांनी विशेष परिश्रम घेतले.
धार्मिक विधीच्या पलीकडे जाऊन हे उपक्रम महिलांच्या संघटनक्षमता, नियोजनकौशल्य, स्वावलंबन व नेतृत्वगुणांचे दर्शन घडवतात. “नवरात्रोत्सव केवळ पूजा-अर्चनेपुरता मर्यादित न राहता समाजातील महिलांना एकत्र आणणारा व आत्मविश्वास वाढवणारा सण ठरू शकतो,” असा संदेशही या महाआरतीतून आणि कुंकूमार्चन कार्यक्रमातुन देण्यात आला.