नागपूरच्या जिल्हा न्यायालयात आत्महत्येचा प्रयत्नाने खळबळ
नागपुर जिल्हा न्यायालयातील परिसरात एकाने व्यक्तीने आत्महत्येचा प्रयत्न केल्याने जिल्हा न्यायालय परीसरात एकच खळबळ उडाली.
पल्लवी मेश्राम प्रतिनिधी
नागपुर:- नागपुर जिल्हा न्यायालय परिसरात एका व्यक्तीने आत्महत्येचा प्रयत्न केल्याने संपुर्ण परिसरात एकच खळबळ उडाली. हेमंत वहाणे वय ५२, मिलिंदनगर असे आत्महत्येचा प्रयत्न करणा-या व्यक्तीचे नाव आहे. त्याने स्वत:च्या हातावर आणि डोक्यावर ब्लेडने वार केले.
ही खळबळ उडवणारी घटना मंगळवारी दुपारी चारच्या सुमारास घडली. वहाणे हा जिल्हा न्यायालयात स्वच्छता कामगार म्हणून कार्यरत होता. मात्र त्याच्याविरुद्ध वागणुकीच्या अनेक तक्रारी आल्या होत्या. त्यामुळे त्याची विभागीय चौकशी सुरू होती. चौकशीअंती तो दोषी आढळला. चौकशी अहवालानुसार, त्याला सोमवारी कामावरून कमी करण्यात आले. यामुळे तो निराश झाला होता तसेच हेमंत तापट स्वभावाचा असल्याचे कळते. दुपारी तो न्यायमंदिर परिसरात आला. न्यायमंदिरातील खालच्या मजल्यावर त्याने गोंधळ घातला आणि स्वत:वर ब्लेडने वार केले. यात तो गंभीर जखमी झाला. या परिसरात पोलिस कर्मचारी उपस्थित असल्याने त्यांनी तातडीने त्याला ताब्यात घेतले आणि उपचारांसाठी मेयोमध्ये भरती केले. हेमंतच्या वागणुकीबाबत अनेक तक्रारी होत्या. यापूर्वी त्याने एकदा स्वातंत्र्यदिनी झेंडावंदनाच्या वेळीसुद्धा गोंधळ घातल्याचे सांगितले जाते.
