माकडाच्या हल्ल्यात वृध्द महीलेचा मृत्यू
अश्विन गोडबोले
चंद्रपूर महानगर प्रतिनिधी
मो: 8830857351
नागभीड, 26 ऑक्टोंबर: माकडाच्या हल्ल्यात वृध्देचा मृत्यू झाला. ही घटना तालुक्यातील तळोधी बाळापूर येथे मंगळवारी दूपारच्या सुमारास घडली. मीराबाई शंकर पराते (69) असे मृत महिलेचे नाव आहे. मिराबाई पराते या आपल्या घराच्या छतावर धान्य सुकवित होत्या. यावेळी तेथे आलेल्या माकडाला हाकलित असताना माकडाने त्यांच्यावर हल्ला केला. यात त्या गंभीर जखमी झाल्या.
जखमी अवस्थेतच त्यांना उपचाराकरीता ब्रम्हपुरी येथील रुणालयात दाखल केले असता डाक्टरांनी त्यांना मृत घोषीत केले. तळोधी बा. येथे मोठया प्रमाणावर माकडांचा हैदोस आहे. अनेकांच्या घरांचे व सामानाचे नुकसान होत आहे. त्यामुळे माकडांचा त्वरीत बंदोबस्त करण्याची मागणी नागरिकांनी वनवविभागाकडे केली आहे.
