अल्पवयीन मुलीवर त्याने बलात्कार केला होता. त्या नराधमाला अटक करण्यात आली.

अल्पवयीन मुलीवर त्याने बलात्कार केला होता. त्या नराधमाला अटक करण्यात आली.

✍ त्रिशा राऊत ✍ नागपूर ग्रामीण प्रतिनिधीं
मो 9096817953

नागपूर : आरोपीला शिक्षा होण्याचे प्रमाण कमी असल्याची ओरड आहे. पण, नागपुरातल्या एका घटनेत आरोपीला जन्मठेपेची शिक्षा सुनावण्यात आली.एका अल्पवयीन मुलीवर त्याने बलात्कार केला होता. 32 वर्षीय नराधमाच्या कन्हान पोलिसांनी मुसक्या आवळल्या. आता न्यायालयानंही त्याला दोषी ठरविलं. जन्मभर खडी फोडण्याची वेळ त्याच्यावर आली आहे. 19 ऑक्टोबर 2018 ची दीड ते दोनच्या दरम्यानची वेळ. 11 वर्षीय मुलगी खेळत होती. कन्हानजवळील गोंडेगावचा आतीश दिनेश यादव याने तिला उचलून नेले. मुलगी घरी दिसली नसल्यानं या घटनेची तक्रार कन्हान पोलिसांत करण्यात आली. कन्हान पोलिसांनी अल्पवयीन मुलीचा शोध घेतला. गोंडेगाव जवळील नाल्याच्या बाजूला बेशुद्धावस्थेत सापडली. तिच्यासोबत अतिप्रसंग झाल्याचे लक्षात आले. तिच्यावर रुग्णालयात उपचार करण्यात आले. 20 ऑक्टोबरला आतीश यादवला अटक करण्यात आली.

आरोपीला आजीवन कारावासाची शिक्षा

या प्रकरणाचा तपास पोलीस निरीक्षक काळे यांनी केला. प्रकरण नागपूर येथील न्यायाधीश आर. पी. पांडे यांच्या कोर्टात गेले. न्यायालयाने साक्षी तपासल्या. त्यानंतर आरोपीला आजीवन कारावासाची शिक्षा सुनावली. वेगवेगळ्या कलमान्वये वेगवेगळी शिक्षा सुनावली. त्यानुसार कलम 307 अन्वये आजीवन कारावास व पाच हजार रुपये दंड. दंड न भरल्यास तीन महिने कारावासाची शिक्षा सुनावली. कलम 376 अन्वये आजीवन कारावास व पाच हजार रुपये दंड. दड न भरल्यास आणखी सहा महिने कारावासाची शिक्षा सुनावली.

यांनी पाहिले काम

सरकारच्या वतीनं एपीपी पळसोडकर यांनी काम पाहिले. तपास अधिकारी म्हणून सहायक पोलीस निरीक्षक शुभांगी वाझे, पोलीस उपनिरीक्षक भवानीप्रसाद मिश्रा, सहायक फौजदार सुनील डोंगरे, पोलीस हवालदार मनोज तिवारी, प्रकाश वर्मा, अहमद सैफतुल्ला यांनी सहकार्य केले. क्षणीक मोहाला काही युवक बळी पडतात. अत्याचारापर्यंत त्यांची मजल जाते. अशावेळी अख्ख आयुष्य कैदेत जाते. याचं हे उदाहरण आहे.