मुंबई: वडील आणि मुलाच्या नात्याला हळूवार स्पर्श करणारा राजेश म्हापूसकर दिग्दर्शित ‘व्हेंटिलेटर’ चित्रपटाचा गुजराती रिमेक लवकरच प्रेक्षकांच्या भेटीला येणार आहे. विशेष, म्हणजे या चित्रपटाच्या माध्यमातून अभिनेता जॅकी श्रॉफ गुजराती चित्रपटसृष्टीत पदार्पण करणार आहे.
मानाच्या राष्ट्रीय पुरस्कारांवर मोहोर उमटवणाऱ्या ‘व्हेंटिलेटर’च्या गुजराती रिमेकची निर्मिती फाल्गुनी पटेल आणि लॉरेन्स डिसोझा करणार आहेत. मराठी ‘व्हेंटिलेटर’मध्ये आशुतोष गोवारीकरांनी साकारलेल्या ‘राजा’ या मुख्य भूमिकेत जॅकी श्रॉफ दिसणार आहे. बॉलिवूडच्या ‘जग्गू दादा’नेच या वृत्ताला दुजोरा दिला आहे. ‘इतके वर्ष चित्रपटसृष्टीत काम केल्यानंतर अखेर मला माझ्या मातृभाषेतील चित्रपटात काम करण्याची संधी मिळाली आहे. त्यामुळे मला प्रचंड आनंद तर झाला आहेच, शिवाय माझ्या चाहत्यांच्या अपेक्षा मी पूर्ण करू शकेन अशी मला आशा आहे.’
