उल्हासनगरच्या न्यू गजानन मार्केटला भीषण आग, फटाका मार्केटमध्ये पसरण्याचा धोका…..
✍️सचिन पवार ✍️
कोकण ब्युरो चीफ
📞8080092301📞
मुंबई :-उल्हासनगरमधील मंगलमूर्ती मार्केटसमोरील न्यू गजानन मार्केटमध्ये बुधवारी सकाळी भीषण आग लागली.कपड्याच्या दुकानातून लागलेली ही आग हळूहळू उग्र रूप धारण करत आहे. अग्निशमन दलाच्या चार गाड्या घटनास्थळी दाखल झाल्या असून आगीवर नियंत्रण मिळवण्याचे प्रयत्न सुरू आहेत, मात्र आग अजूनही थांबलेली नसून ती सतत पसरत आहे.
अरुंद रस्त्यामुळे अग्निशमन दलाला घटनास्थळी पोहोचण्यात अडचणी येत होत्या.मदत आणि बचावकार्य वेगाने सुरू आहे,मात्र तीन तासांहून अधिक काळ लोटला तरी आगीवर नियंत्रण मिळवता आलेले नाही.आगीवर लवकर आटोक्यात न आल्यास फटाका मार्केटमध्ये पसरून मोठा विध्वंस होण्याचा धोका आहे.उल्हासनगरमध्ये फटाक्यांची अनेक दुकाने असून त्यामुळे परिस्थिती आणखीनच धोकादायक बनत आहे.
