पुण्यात खळबळ: विवाहीत महिला पोलिसाची गळाफास घेऊन आत्महत्या.
✒पुणे जिल्हा प्रतिनिधि✒
पुणे,दि.5 जुलै:- पुणे येथून एक खळबळजनक बातमी समोर आली आहे. पुणे शहर पोलिस दलाच्या विशेष शाखेत कार्यरत असणार्‍या महिला पोलिसानी आपल्या राहत्या घरात गळफास घेऊन आत्महत्या केली आहे. महिला पोलिसाने गळफास घेऊन आत्महत्या केल्याने पुणे पोलीस विभागात एकच खळबळ उडाली आहे. दरम्यान, आत्महत्येचे कारण अद्याप स्पष्ट झालेले नाही. श्रध्दा शिवाजीराव जायभाये वय 28 वर्ष सध्या रा. कावेरीनगर पोलिस लाईन, बिल्डींग नं. 21, रूम नं. 4, वाकड, पुणे. असे आत्महत्या केलेल्या महिला पोलिस कर्मचार्‍याचे नाव आहे.
पुणे पोलीस दलात कार्यारत श्रध्दा जायभाये या विवाहीत असून त्यांचे पती नेवीमध्ये नोकरीस आहेत. सध्या त्यांची पोस्टींग केरळमध्ये आहे. श्रध्दा आणि शिवाजी यांना एक लहान मुलगी वय 3 वर्षाची आहे. दरम्यान, श्रध्दा यांची आज साप्ताहिक सुट्टी होती. काल (रविवार) रात्री त्यांनी त्यांच्या मुलीला नातेवाईकांकडे सोडले होते.
श्रध्दा यांचा मोबाईल लागत नसल्याने त्यांच्या एका मैत्रीणीने वाडक पोलिसांना याबाबतची माहिती दिली. वाकड पोलिस पोलिस लाईन येथे पोहचले असता जायभाये यांचा दरवाजा बंद दिसला. दरवाजा तोडून आत प्रवेश केल्यानंतर श्रध्दाने ओढणीने गळफास घेऊन आत्महत्या केल्याचे दिसले. उपायुक्त भोईटे, वरिष्ठ पोलिस निरीक्षक मुगळीकर यांच्यासह इतर पोलिस अधिकार्‍यांनी घटनास्थळी भेट दिली. पुढील तपास पोलीस करत आहे.
