मुंबईच्या डोंबिवली पूर्व रेल्वे स्टेशन परीसरातील इमारतीला भीषण आग लागली.
✒️नीलम खरात✒️
मुंबई महानगर प्रतिनिधी
9136879930
डोंबिवली,दि.15 जुलै:- मुंबईच्या उपनगर डोंबिवली येथील एका इमारतीला भीषण आग लागल्याची बातमी काही तासा अगोदर समोर आली आहे.
डोंबिवली येथील पूर्व भागातील परिसरात एका इमारतीला भीषण आग लागली आहे. डोंबिवली स्टेशनजवळील लक्ष्मी निवास इमारतीला ही भीषण आग लागल्याने एकच खळबळ उडाली आहे. या इमारतीच्या दुसऱ्या माळ्यावर लागलेली आग इतकी भीषण आहे की धुराचे लोट संपूर्ण परिसरात पसरले आहेत. आगीची माहिती मिळताच घटनास्थळी अग्निशमन दलाच्या गाड्या, रुग्णवाहिका दाखल झाल्या आहेत. आगीवर नियंत्रण मिळवण्याचे काम मोठ्या प्रमाणात सुरू करण्यात आले आहे.
डोंबिवली स्टेशनजवळील लक्ष्मी निवास इमारतीला ही आग नेमकी कशामुळे लागली याची माहिती मिळालेली नाहीये. या इमारतीत गोडाऊन असल्याची प्राथमिक माहिती मिळत आहे. तसेच आग लागल्याने इमारतीत काही नागरिक अडकल्याची भीती सुद्धा व्यक्त करण्यात येत आहे.
प्राप्त माहितीनुसार इमारतीच्या दुसरा माळ्यावर असलेल्या गोडाऊनमध्ये सर्वप्रथम ही आग लागली. त्यानंतर इमारतीत दुसरा भागात पसरली. इमारतीच्या संपूर्ण परिसरात धुराचे लोट पसरले आहेत. त्यावरुन ही आग किती भीषण आहे याचा अंदाज घेतल्या जाऊ शकतो.
