बळजबरीने धर्मांतर केल्याचे प्रकरण, नागपूर मधून कनेक्शन आल समोर युपी एटीएस कडून नागपुरच्या तिघांना अटक.
✒युवराज मेश्राम✒
नागपुर जिल्हा प्रतिनिधी
9527526914
नागपूर,दि.17 जुलै:- नागपूर मधून एक धक्कादायक बातमी समोर आली आहे. बळजबरीने धर्मांतर केल्याच्या घटनेमुळे देशात एकच खळबळ उडाली होती. यामुळे सर्वीकडे संताप व्यक्त करण्यात येत होता.
काल उत्तर प्रदेश मधील एटीएस दहशतवादविरोधी पथकाने नागपुरातील गणेशपेठ परिसरात छापा टाकून तीन जणांना अटक केली. प्रसाद रामेश्वर कांबळे, कौसर आलम शोकत अली खाना व भूप्रियबंडो देविदास मानकर अशी अटक करण्यात आलेल्यांची नावे आहेत.
प्राप्त माहितीनुसार, प्रसाद हा नागपुर येथील गणेशपेठ भागातील राहुल कॉप्लेक्समध्ये राहतो. तर कौसर आलम हा झारखंडमधील धनबादमधील लोहिचारा येथील रहिवासी आहे. मानकर हा गडचिरोलीतील चामोर्शीतील वायगाव येथे राहतो. एक महिन्यांपूर्वी उत्तर प्रदेश एटीएसने बळजबरी धर्मांतर करणारे रॅकेट उघडकीस आणले होते. याप्रकरणात गोमतीनगर पोलिस स्टेशनमध्ये धर्मांतरविरोधी कायद्यासह विविध कलमान्वये गुन्हे दाखल करण्यात आले होते. एटीएसने यावेळी अटकेतील आरोपींकडून एक डायरीही जप्त केली होती. यात महाराष्ट्र केरळ, हरियाणा, आंध्रप्रदेश व दिल्लीतील रॅकेटच्या सदस्यांची नावे होती. तेही या कटात सहभागी झाल्याचे त्यावेळी निष्पन्न झाले होते. कांबळे हा दोन साथीदारांसह नागपुरातील घरी दडून बसल्याची माहिती उत्तर प्रदेश एटीएसला मिळाली. शुक्रवारी मध्यरात्री एटीएसने स्थानिक पोलिसांच्या मदतीने राहुल कॉम्प्लेक्समधील फ्लॅट क्रमांक 202 मध्ये छापा टाकला. युपी एटीएसच्या पथकाने प्रसाद, कौसर व मानकरला अटक केली. मध्यरात्रीच युपी एटीएसचे पथक तिघांना घेऊन लखनौकडे रवाना झाले.
