सांगलीतील शिराळा येथील फार्महाऊसवरुन वन विभागाने पकडले तब्बल 19 जिवंत नाग.
✒संजय कांबळे✒
सांगली जिल्हा प्रतिनिधी
989009362
सांगली,दि.17 ऑगस्ट:- सांगली जिल्हातील शिराळा येथून एक खळबळजनक घटना समोर आली आहे. शिराळा येथे असलेल्या एका फार्महाऊसवर तब्बल 19 जिवंत नाग पकडले आहेत. शिराळ्याच्या वन विभागाने ही कारवाई केली आहे. मडकी आणि पोती पिशवीमध्ये बंदिस्त करुन ठेवलेले 19 नाग वन विभागाने कारवाई करत जप्त करुन नैसर्गिक अधिवासात सोडून दिले आहेत. याबाबत गुन्हा दाखल करण्यात आला आहे.
निनावी दूरध्वनी वरुन वन विभागाला माहिती मिळाली की, शिराळा येथील एका फार्महाऊसमध्ये मोठ्या प्रमाणात नाग बंदिस्त करुन ठेवले आहे आणि त्याचे प्रदर्शन होणार असल्याची माहिती मिळताच वनविभागाला यात काही तरी खुप मोठे रॉकेट असल्याचा संशय आला त्यामुळे शिराळा येथील वनक्षेत्रपाल वनपाल वनरक्षक आणि सांगलीतील वनविभागाचे पथकाने त्या ठिकाणी जाऊन पाहणी केली. त्यावेळी काही लोक त्या ठिकाणाहून पळून गेले होते. त्या ठिकाणी जाऊन पाहणी केली असता त्याठिकाणी मडकी पोती पिशवी ठेवलेल्या 19 नाग आढळून आले.
