गणेशोत्सव साधेपणाने साजरा करण्याचे आवाहन जिल्हा प्रशासनाने केले आहे
प्रशासना तर्फे मार्गदर्शन व सूचना
प्रशासना तर्फे मार्गदर्शन व सूचना
संतोष मेश्राम चंद्रपूर जिल्हा ग्रामीण प्रतिनिधी
चंद्रपूर सविस्तर वृत्त खलील प्रमाणे आहे : कोविड-मुळे उद्भवलेल्या संसर्गजन्य परिस्थितीचा विचार करता यंदाचा गणेशोत्सव साध्या पद्धतीने साजरा करण्याचे आवाहन जिल्हा प्रशासनाने केले आहे. याबाबत जिल्हा प्रशासनाकडून मार्गदर्शक सूचना जारी करण्यात आल्या आहेत.
सार्वजनिक गणेशोत्सवासाठी गणेशोत्सव मंडळांनी महापालिका तसेच स्थानिक प्रशासनाची त्यांच्या धोरणानुसार यथोचित पूर्वपरवानगी घेणे आवश्यक राहील. कोविड-19मुळे उद्भवलेल्या संसर्गजन्य परिस्थितीचा विचार करता महापालिका तसेच संबंधित स्थानिक प्रशासनाचे मंडपांबाबतचे धोरण याच्यांशी सुसंगत असे मर्यादित स्वरुपाचे मंडप उभारण्यात यावेत.
श्रीगणेशाची मूर्ती सार्वजनिक मंडळांकरीता 4 फूट व घरगुती गणपती मूर्ती 2 फूटांच्या मर्यादेत असावी. यावर्षी शक्यतो पारंपारिक गणेशमूर्ती ऐवजी घरातील धातू, संगमरवर इत्यादी मूर्तींचे पूजन करावे. मूर्ती शाडूची, पर्यावरणपूरक असल्यास त्याचे विसर्जन शक्यतो घरच्या घरी करावे. विसर्जन घरी करणे शक्य नसल्यास नजीकच्या कृत्रिम विसर्जनस्थळी विसर्जन करण्यात यावे.
उत्सवाकरीता वर्गणी, देणगी स्वेच्छेने दिल्यास त्यांचा स्वीकार करावा. जाहिरातीच्या प्रदर्शनामुळे नागरिक आकर्षित होऊन गर्दी होणार नाही, याकडे लक्ष द्यावे. तसेच आरोग्यविषयक व सामाजिक संदेश असलेल्या जाहिराती प्रदर्शित करण्यास पसंती देण्यात यावी. सांस्कृतिक कार्यक्रमाऐवजी सामाजिक अंतर राखून आरोग्य विषयक उपक्रम, रक्तदान यासारखी शिबिरे आयोजित करण्यास प्राधान्य द्यावे आणि त्याद्वारे कोरोना, मलेरिया, डेंग्यू व इतर आजारासाठी आमंत्रण देने होऊ शकतो
