तळोधी बा.येथे शेतीच्या वादातून सख्या भावाने केली भावाचीच हत्या
*अरुण रामुजी भोले*
*नागभिड तालुका प्रतिनिधी*
*9403321731*
नागभीड : – नागभिड-तालुक्यातील तळोधी बाळापुर पोलीस स्टेशन अंतर्गत भट्टी वार्ड क्रमांक 4, झेंडा चौक येथे आज लहान भावानेच शेतीच्या वादातून मोठ्या भावाचा निर्घृण खून केल्याची घटना घडली.
सविस्तर वृत्त याप्रमाणे आहे की, मृतक राजेश्वर भिवाजी जुमडे (65) याचा व त्याच्याच लहान भाऊ बंडू भिवाजी जुमडे(62) यांच्यात नेहमी शेतीसाठी वाद होत असत.मृतक राजेश्वर जुमडे यांच्या सोबत त्याची आई राहत होती. पण तिचा मृत्यू झाल्यावर तिच्या हिस्याची जागा मला पण दे असा नेहमी लहान भाऊ देवाजी जुमडे मृतकला म्हणत असे यामधून दोघांमध्ये नेहमी वाद होत असे.आज दिनांक १६/२/२०२२ बुधवारला दोघेही भाऊ चौकात उभे होते,दोघेही मद्य घेऊन होते ,लहान भाऊ देवाजी याने मृतक राजेश्वर याला धक्का देऊन खाली पाडले, व त्याच्या डोक्यावर सपासप दगडाने वार केले ,घटना एवढी भयावह होती की मृतकाचा डोकं त्यांनी चेंदामेंदा करून हत्या केल्याची घटना आज दुपारी 12:30 ला उघडकीस आली. राजेश्वर चे घटनास्थळी मृत्यू झाले.
घटनेची माहिती मिळताच तळोधी बाळापूर येथील ए.पी.आय, डि.आर. शेंडे, यांच्या मार्गदर्शनाखाली, मोक्का पंचनामा करून शव विच्छेदन करीता ग्रामीण रुग्णालय नागभीड येथे पाठविण्यात आले. अधिक तपास पि.एस.आय, आकाश कुमार साखरे, सहाय्यक फौजदार बलदारखा पठान, सहाय्यक फौजदार सुरेश पानसे, हवालदार आंबेकर, पो.कांस्टेबल निंबेकर इतर,हे करीत आहेत.
