49 कोटींचा आयटीसी घोटाळा; कंपनीच्या संचालकाला अटक.
बोगस कंपनीच्या नावाने बनावट चेक देऊन 49 कोटी रुपयांचा आयटीसी मिळवणाऱ्या कंपनीच्या एका संचालकाला जीएसटी महासंचालनालयातील गुप्तचर विभागाच्या नागपूर विभागाने अटक केली.
पल्लवी मेश्राम प्रतिनिधी
आरोपीचा जीएसटीआयएन (वस्तू व सेवा कर ओळख नंबर) नागपूर येथे नोंदणीकृत होता. त्या आधारे वेगवेगळ्या शहरांमध्ये शोधमोहीम सुरू झाली. जीएसटीआयएन दिलेल्या कंपनीच्या आजी-माजी मालकांचा शोध घेत त्यांच्या प्रतिष्ठानांची झडती घेण्यात आली. तपासादरम्यान कंपनीच्या जीएसटीआयएनचे अस्तित्व प्रत्यक्षात नसल्याचे दिसून आले. संपूर्ण कारभार हा बनावट कागदपत्रे आणि स्वाक्षरीच्या आधारे होत असल्याची बाब पुढे आली. प्राप्त माहितीनुसार, या रॅकेटमध्ये अन्य आरोपींचा समावेश असण्याची शक्यता वर्तविण्यात येत आहे.
आरोपीला छत्तीसगडमधून अटक
देशभरातील विविध शहरांतून कंपनीच्या नावाने कारभार सुरू होता. खोटी कागदपत्रे सादर करून परतावा मिळविण्यात येत होता. मात्र, अस्तित्वात नसलेल्या जीएसटीआयएनच्या सहाय्याने आरोपीला छत्तीसगड येथून अटक करण्यात आली.