🚧वरोरा येथे मोठा अपघात…🚦 🚛 टिप्परमध्ये घुसली दुचाकी🛵 दोघांचा मृत्यू, एक गंभीर 🔴 खांबाडा येथील घटना

🚧वरोरा येथे मोठा अपघात…🚦
🚛 टिप्परमध्ये घुसली दुचाकी🛵
दोघांचा मृत्यू, एक गंभीर

🔴 खांबाडा येथील घटना

🖋️ मीडिया वार्ता वृत्तसेवा
📱 8830857351

वरोरा : 13 फेब्रुवारी
तालुक्यातील खांबाडा येथील पेट्रोल पंप वरून डिझल भरून वर्धा जिल्ह्यातील नंदोरी येथे जात असलेल्या टिप्परमध्ये मागून वेगात असलेली दुचाकी घुसली. झालेल्या दुर्घटनेत दोघांचा जागीच मृत्यू तर एक जण गंभीर जखमी झाला. ही घटना सोमवार, 12 फेब्रुवारी रोजी रात्री खांबाडा येथील उदय बार जवळ घडली.
मारोती चप्पलवार (22), वैभव अडबले (20) अशी मृतकांची नावे असून, ते वर्धा जिल्ह्यातील गोठाडी शेगाव येथील रहिवासी आहेत.
वर्धा जिल्ह्यातील नंदोरी येथील टिप्पर क्रमांक एमएच 34 – 2806 हा डिझेल भरण्यासाठी चंद्रपूर जिल्ह्याची सीमा असलेल्या खांबाडा येथील पेट्रोल पंप वर आला. डिझल भरून परत जात असताना मागून तीन जण बसलेली दुचाकी भरधाव वेगात टिप्परच्या मागच्या बाजूने घुसली. या भीषण अपघातात दोन युवकांचा जागीच मृत्यू झाला तर एक गंभीर जखमी झाला. तिघेही वर्धा जिल्हातील गोठाडी शेगाव येथील रहिवासी आहेत. सुरज नामक युवक जखमी आहे. दुचाकीस्वार मद्यधुंद असल्याची चर्चा आहे. घटनेची माहिती मिळताच पोलीस घटनास्थळी दाखल झाले. जखमी युवकाला वरोड्याच्या उपजिल्हा रुग्णालयात दाखल केले. पुढील तपास ठाणेदार अमोल काचोरे यांच्या मार्गदर्शनात वरोडा पोलीस करीत आहेत.