मीडिया वार्ता न्यूज़
जोहान्सबर्ग: दक्षिण आफ्रिकेविरुद्ध सलग तीन वन-डे सामने जिंकणाऱ्या टीम इंडियाला चौथ्या सामन्यात पराभवाचा सामना करावा लागला. या पराभवानंतर कर्णधार विराट कोहलीनं प्रतिक्रिया व्यक्त केली आहे. आम्ही विजयाचे दावेदार नव्हतोच, असं तो म्हणाला.
दक्षिण आफ्रिकेनं चौथ्या सामन्यात टीम इंडियाचा विजयी रथ रोखला. चौथ्या सामन्यात आम्ही विजयाचे दावेदार नव्हतोच. ही लढत टी-२० सारखीच झाली. आम्ही अनेक संधी गमावल्या. त्यामुळेच पराभव झाला, असं कोहली म्हणाला.
दरम्यान, टीम इंडियानं पहिली फलंदाजी करताना ५० षटकांत ७ बाद २८९ धावा केल्या होत्या. पावसाच्या व्यत्ययामुळं दक्षिण आफ्रिकेला २८ षटकांत २०२ धावांचं लक्ष्य देण्यात आलं. ते दक्षिण आफ्रिकेनं ५ गड्यांच्या मोबदल्यात गाठलं. यजमान संघाकडून क्लासेनने नाबाद ४३, तर मिलरनं ३९ धावा केल्या.
